കൊല്ലം: സംസ്ഥാനത്തെ തന്നെ ഏറ്റവും കൂടുതല്‍ അപകടകാരിയായ ബീച്ചായി മാറി കൊല്ലം ബീച്ച്. 5 വര്‍ഷത്തിനിടെ അന്‍പതിലധികം പേര് മരിച്ചെങ്കിലും ഇവിടെ ലൈഫ് ഗാര്‍ഡിന് അവശ്യം വേണ്ട ഉപകരണങ്ങള്‍ പോലും ഇന്നില്ല. കപ്പല്‍ ചാല്‍ മൂലം ബീച്ചിന്റെ ആഴം ദിനം പ്രതി കൂടുന്നതാണ് അപകടം വര്‍ദ്ധിക്കുവാന്‍ കാരണം.
ലൈഫ് ഗാര്‍ഡുകളുടെ സ്ഥിതിയാകട്ടെ പരിതാപകരമാണ്. രക്ഷാ പ്രവര്‍ത്തനത്തിന് അവശ്യം വേണ്ട ഉപകരണങ്ങള്‍ പോലുംഇല്ല. എങ്കിലും സ്വന്തം ജീവന്‍ പണയം വച്ച്‌ അവര്‍ സഞ്ചാരികളെ രക്ഷിക്കുന്നു. നിയന്ത്രണങ്ങള്‍ ഒട്ടനവധി ഉണ്ടെങ്കിലും അത് സഞ്ചാരികള്‍ വകവയ്ക്കാറില്ല.
