ഹൈദരാബാദ്: ഹൈദരാബാദില്‍ രണ്ടു കുട്ടികളുടെ അമ്മയായ സ്ത്രീ പോലീസ് സ്റ്റേഷനുമുന്നില്‍ സ്വയം തീകൊളത്തി ജീവനൊടുക്കാന്‍ ശ്രമം. കുടുംബവഴക്കിനെ തുടര്‍ന്നാണ് യുവതി ജീവനൊടുക്കാന്‍ ശ്രമിച്ചത്. 45 ശതമാനം പൊള്ളലേറ്റ യുവതിയെ നാട്ടുകാരും പോലീസും ചേര്‍ന്ന് ആശുപത്രിയില്‍ എത്തിച്ചു.
ചൊവ്വാഴ്ച ഉച്ചക്ക് 12.30 ന് ബൊവനപ്പള്ളി പോലീസ് സ്റ്റേഷനിലായിരുന്നു സംഭവം. പരപുരുഷ ബന്ധം ആരോപിച്ച് ഇവരെ ഭര്‍ത്താവ് അവരുടെ വീട്ടില്‍ കൊണ്ടുചെന്ന് വിട്ടിരുന്നു. എന്നാല്‍ പിന്നീട് പോലീസ് സ്റ്റേഷനില്‍ എത്തിയ യുവതി പെട്രോള്‍ ശരീരത്തില്‍ ഒഴിച്ച്‌ സ്വയം തീകൊളുത്തുകയായിരുന്നു.
