ഷിംല: രണ്ടു ദിവസമായി പെയ്യുന്ന കനത്ത മഴയിലും മഞ്ഞ് വീഴ്ചയിലും മണ്ണിടിച്ചിലിലും പെട്ട് ഹിമാചല്‍പ്രദേശിലും പഞ്ചാബിലും വിദ്യാര്‍ത്ഥികള്‍ ഉള്‍പ്പെടെ 11 പേര്‍ മരിച്ചു. കൊല്ലങ്കോട് നിന്നുള്ള 30 അംഗ സംഘമുള്‍പ്പെടെ 43 മലയാളികള്‍ കുളുവില്‍ കുടുങ്ങിക്കിടക്കുകയാണ്. റൂര്‍ക്കി ഐ.ഐ.ടിയിലെ 35 വിദ്യാര്‍ത്ഥികള്‍ ഉള്‍പ്പെടെ 45 പേരെ കാണാതായെന്നും റിപ്പോര്‍ട്ടുകളുണ്ട്.
കനത്ത മഴയെ തുടര്‍ന്ന് പഞ്ചാബില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. എന്ത് അടിയന്തര സാഹചര്യവും നേരിടാന്‍ സൈന്യത്തിന് നിര്‍ദ്ദേശവും നല്‍കിയിട്ടുണ്ട്. അതേസമയം, കനത്തമഴയിലും മണ്ണിടിച്ചിലിലും കനത്ത നാശനഷ്‌ടങ്ങളാണ് രണ്ട് സംസ്ഥാനങ്ങളിലും സംഭവിച്ചത്. ചമേരാ അണക്കെട്ടില്‍ ജല നിരപ്പ് ഉയര്‍ന്നു. ബിയാസ് നദി കരകവിഞ്ഞു. റോഡുകളും പാലങ്ങളും ഒലിച്ചുപോയി.
