തിരുവനന്തപുരം: ശബരിമലയിലെ യുവതീ പ്രവേശനം സംബന്ധിച്ച സുപ്രിംകോടതി വിധിയാണ് വനിതാമതിലിന് അടിസ്ഥാനമെന്ന് മുഖ്യമന്ത്രി പിണറായി വിജയന്‍. സുപ്രിംകോടതി വിധിക്ക് പിന്നാലെ ഒരു വിഭാഗം സ്ത്രീകളെ തെരുവിലിറക്കി പ്രതിഷേധിച്ചതായി മുഖ്യമന്ത്രി പറഞ്ഞു.
സ്ത്രീവിരുദ്ധമാണ് ശബരിമല വിധി എന്നായിരുന്നു പ്രചാരണം. ഹിന്ദുമത വിഭാഗങ്ങള്‍ക്കിടയിലാണ് ഇതു സംബന്ധിച്ച്‌ വ്യാപക പ്രചാരണം നടന്നത്. വനിതാ മതില്‍ സി.പി.എമ്മിന്റെ വര്‍ഗസമര കാഴ്ചപ്പാടിന് എതിരെല്ലെന്നും മുഖ്യമന്ത്രി പറഞ്ഞു.
