ബംഗളൂരു: കര്‍ണാടകയിലെ ബിജെപി എംപി ശോഭ കരന്തലജെയുടെ ബാങ്ക് അക്കൗണ്ട് ഹാക്ക് ചെയ്ത് 15.50 ലക്ഷം രൂപ കവര്‍ന്നു. പണം നഷ്ടപ്പെട്ടതിനെ തുടര്‍ന്ന് ഉഡുപ്പി-ചിക്കമംഗളൂരു എംപി തിങ്കളാഴ്ച പാര്ലമെന്റ് സ്ട്രീറ്റ് പോലീസ് സ്റ്റേഷനില്‍ പരാതി നല്‍കി.
എസ്ബിഐ പാര്ലമെന്റ് ഹൗസ് ബ്രാഞ്ച് അക്കൗണ്ടില്‍നിന്ന് കഴിഞ്ഞ രണ്ടു മാസമായി പണം നഷ്ടപ്പെട്ടെന്നാണ് ശോഭ പരാതിയില്‍ പറയുന്നത്. അക്കൗണ്ടില്‍നിന്നും പണം നഷ്ടപ്പെട്ടെങ്കിലും ഇതുവരെ മൊബൈല്‍ ഫോണില്‍ ഇതുമായി ബന്ധപ്പെട്ട സന്ദേശങ്ങള്‍ എത്തിയില്ലെന്നും ഇവര്‍ പറയുന്നു.
തിങ്കളാഴ്ച ഇടപാടുകള്‍ക്കായി ബാങ്കില്‍ എത്തിയപ്പോഴാണ് പണം നഷ്ടപ്പെട്ട വിവരം മനസിലാക്കുന്നത്. എംപിയുടെ ട്വിറ്റര്‍ അക്കൗണ്ടും ഹൈക്ക് ചെയ്തിട്ടുണ്ട്. പോലീസ് കേസെടുത്ത് അന്വേഷണം ആരംഭിച്ചു.
