ന്യൂഡല്‍ഹി: ഇന്ത്യ ബലാകോട്ടില്‍ നടത്തിയ വ്യോമാക്രമണത്തിന് പിന്നാലെ ബുദ്ഗാമില്‍ വ്യോമസേനയുടെ ഹെലികോപറ്റര്‍ വെടിവെച്ചിട്ടത് അബദ്ധത്തിൽ സംഭവിച്ചതാണെന്ന് എയര്‍ ചീഫ് രാകേഷ് കുമാര്‍ സിങ്. 'വലിയ തെറ്റ്' എന്നാണ് അദ്ദേഹം സംഭവത്തെപറ്റി പറഞ്ഞത്. രണ്ട് പേര്‍ക്കെതിരെ ഇതുമായി ബന്ധപ്പെട്ട് നടപടിയെടുത്തതായും അദ്ദേഹം വ്യക്തമാക്കി.
ആറ് വ്യോമസേന സൈനികരും ഒരു നാട്ടുകാരനുമാണ് സംഭവത്തില്‍ കൊല്ലപ്പെട്ടിരുന്നത് . ഇന്ത്യ-പാക് വ്യോമസേനകള്‍ തമ്മില്‍ അതിര്‍ത്തിയില്‍ ഏറ്റുമുട്ടല്‍ നടക്കുന്ന സമയത്തായിരുന്നു ശ്രീനഗറിനടുത്ത് ബുദ്ഗാമില്‍ ഹെലികോപ്റ്റര്‍ വെടിവെച്ചിട്ടത്.
പാകിസ്ഥാനില്‍ നിന്നും തൊടുത്ത മിസൈലാണെന്ന് തെറ്റിദ്ധരിച്ചാണ് ഹെലികോപ്റ്ററിന് നേരെ ആക്രമണം നടത്തിയതെന്നാണ് അന്വേഷണത്തില്‍ വ്യക്തമായി.
