മുംബൈ: കുര്‍ള റെയില്‍വേ സ്റ്റേഷനില് കഴിഞ്ഞ ദിവസം അനുഭവപ്പെട്ടത് ഭീതിജനകമായ തിരക്കാണ്. കൊറോണ പടരുന്ന സാഹചര്യത്തില്‍ ട്രെയിനുകള്‍ പലതും നിർത്തലാക്കിയ സാഹചര്യത്തിലാണ് കുര്‍ളയില്‍ ഈ അത്യപൂര്‍വ്വ തിരക്ക്. കൊറോണ വ്യാപനം തടയാന്‍ മുബൈ നഗരം ഭാഗികമായി അടച്ചിടുമെന്ന വാര്‍ത്തകള്‍ പുറത്തുവന്നതോടെയാണ് റെയില്‍വേ സ്റ്റേഷനില് ജനത്തിരക്ക് അനുഭവപ്പെട്ടത്. ആളുകള്‍ കൂടി നില്‍ക്കുന്നത് ഗുരുതരമായ പ്രത്യാഖാതം ഉണ്ടാക്കുമെന്ന മുന്നറിയിപ്പുകള്‍ക്കിടെയാണ് കുര്‍ള ജനസാഗരമായത്. നഗരം അടയ്ക്കുമെന്ന് കേട്ടതോടെ ജനങ്ങള്‍ വീടുകളിലേക്ക് പോകാനായി റെയില്‍വേ സ്‌റ്റേഷനിലേക്ക് പോകുകയായിരുന്നു.
നീണ്ട ക്യൂ ആണ് കുര്‍ള സ്റ്റേഷനിലുടനീളം അനുഭവപ്പെട്ടത്.
ഉത്തരേന്ധ്യൻ സംസ്ഥാന തൊഴിലാളികൾ നാട്ടിലേക്കുള്ള യാത്രയിലാണ്, എന്താണ് സംഭവിക്കുന്നതെന്നുള്ള യാതൊരു വിവരവും അവരിലേക്ക്‌ ഇന്നെത്തിയിട്ടില്ല എന്നതുകൂടി പ്രദാനമാണ്
