Month: October 2019

ഹൈദരാബാദ് :ഐ സ് ർ ഓ യിലെ  മലയാളി ശാസ്ത്രജ്ഞൻ എസ്. സുരേഷിനെ തലയ്ക്കടിയേറ്റ് മരിച്ച നിലയിൽ കണ്ടെത്തി. ഹൈദരാബാദിലെ താമസ സ്ഥലത്താണ്  ഇദ്ദേഹത്തെ മരിച്ച നിലയിൽ കണ്ടെത്തിയത്.  ഹൈദരാബാദിലെ നാഷണൽ റിമോട്ട് സെൻസിങ് സെന്ററിലെ ശാസ്ത്രജ്ഞനാണ് സുരേഷ്. ചൊവാഴ്ച ജോലിക്ക് ഹാജരാകാത്തതിനെത്തുടർന്ന്   നടന്ന അന്വേഷണത്തിലാണ് ഇദ്ദേഹത്തെ അപ്പാർട്മെന്റിൽ മരിച്ച നിലയിൽ കണ്ടെത്തിയത്. അമീർപേട്ടിലെ അന്നപൂർണ എന്ന അപ്പാർട്മെന്റിൽ ഒറ്റയ്ക്കാണ് സുരേഷ് താമസിച്ചിരുന്നത്. ആക്രമണത്തിന്പിന്നിൽ ആരെന്ന് ഇതുവരെ തെളിവൊന്നും ലഭിച്ചിട്ടില്ല. സഹപ്രവർത്തകർ ചെന്നൈയിലുള്ള ഭാര്യയെ വിവരമറിയിക്കുകയും

തിരുവനന്തപുരം: പെരിയ കൊലപാതകക്കേസ് അട്ടിമറിക്കാൻ കൂട്ടുനിന്ന  മുഖ്യമന്ത്രി പിണറായി വിജയൻ രാജിവെക്കണമെന്ന് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ ആവശ്യപ്പെട്ടു. സിപിഎമ്മിന്റെ അറിവോടെ നടന്ന കൊലപാതകക്കേസിൽ   പ്രതികളെ രക്ഷിക്കാൻ സർക്കാറിന്റെ നിർദ്ദേശപ്രകാരമാണ്  കുറ്റപത്രം തയ്യാറാക്കിയതെന്നും, ഈ കുറ്റപത്രം ഹൈക്കോടതി റദ്ദാക്കുകയും ചെയ്തുവെന്ന്  മുല്ലപ്പള്ളി പറഞ്ഞു. പെരിയ കേസിൽ അന്വേഷണ സംഘത്തിനെതിരെ രൂക്ഷ വിമർശനമാണ് കോടതി ഉന്നയിച്ചത്.  

തിരുവനന്തപുരം :  ഉള്ളിയുടെ വില നിയന്ത്രിക്കാൻ സംസ്ഥാന സർക്കാരിന്റെ ഇടപെടൽ. നാസിക്കിൽ നിന്ന് 50 ടൺ ഉള്ളി എത്തിച്ച് സപ്ലൈക്കോ വഴി കിലോയ്ക്ക് 35 രൂപ എന്ന നിരക്കിൽ വിപണിയിൽ വിൽക്കാനാണ് സർക്കാർ തീരുമാനം. സവാളയുടെ വില രാജ്യമാകെ കുതിച്ചുയർന്ന സാഹചര്യത്തിലാണ് വില നിയന്ത്രിക്കാനായി സർക്കാരിന്റെ ഇടപെടൽ. സവാളയുടെ വില  80 രൂപ വരെയാണ്  ഇപ്പോൾ.   

തിരുവനന്തപുരം : സംസ്ഥാനത്തെ അഞ്ച് മണ്ഡലങ്ങളിലേക്കുള്ള ഉപതെരഞ്ഞെടുപ്പുമായി സമർപ്പിച്ച നാമനിർദേശ പത്രികകളുടെ സൂക്ഷ്മപരിശോധന ഇന്ന് നടക്കും. മഞ്ചേശ്വരത്ത് 13 പേരും എറണാകുളത്ത് 11 പേരും വട്ടിയൂർക്കാവിൽ 10 പേരും കോന്നിയിൽ 7  പേരും അരൂരിൽ 6  പേരുമാണ്  പത്രിക സമർപ്പിച്ചിട്ടുള്ളത്. വട്ടിയൂർക്കാവിലും അരൂരിലും എറണാകുളത്തും പ്രധാന സ്ഥാനാർത്ഥികൾക്ക് അപരന്മാരുണ്ട്. വ്യാഴാഴ്ച വരെ സ്ഥാനാർത്ഥികൾക്ക് പത്രിക പിൻവലിക്കാനുള്ള സമയമുണ്ട്.   

ആലപ്പുഴ : ആധാർ കാർഡും റേഷൻ കാർഡും തമ്മിൽ ബന്ധിപ്പിക്കുന്നതിനുള്ള  അവസാന തീയതി ഒക്ടോബർ 31 വരെ നീട്ടി.  സെപ്റ്റംബർ 30 വരെയാണ് കാർഡുകൾ തമ്മിൽ ബന്ധിപ്പിക്കുന്നതിനായി കേന്ദ്രം നൽകിയ സമയപരിധി.   അക്ഷയ കേന്ദ്രങ്ങളിലും താലൂക്ക് സപ്ലൈ ഓഫീസ്, റേഷൻ കടകൾ എന്നിവിടങ്ങളിൽ കാർഡുകൾ ബന്ധിപ്പിക്കുന്നതിനായി വലിയ രീതിയിലുള്ള തിരക്ക് അനുഭവപ്പെട്ടിരുന്നു  കാർഡുകൾ ബന്ധിപ്പിച്ചില്ലെങ്കിലും റേഷൻ ലഭിക്കുന്നത് മുടങ്ങില്ലെന്ന് സിവിൽ സപ്ലൈസ് വകുപ്പ് അറിയിച്ചു