കാലയെ ഞെട്ടിച്ച് കമലഹാസന്റെ വിശ്വരൂപം: സോഷ്യല്‍ മീഡിയയില്‍ തരംഗമായി കുതിച്ച് പാഞ്ഞ് വിശ്വരൂപം ടീസര്‍

108 0

സോഷ്യല്‍ മീഡിയയില്‍ തരംഗമായി കുതിച്ച് പാഞ്ഞ് വിശ്വരൂപം 2 ടീസര്‍. കമല്‍ ഹാസന്‍ രാഷ്ട്രീയത്തില്‍ ഇറങ്ങിയ ശേഷമുള്ള ആദ്യ സിനിമയുടെ ടീസറിനു വന്‍ വരവേല്‍പ്പാണ് ലഭിച്ചിരിക്കുന്നത്. രാഷ്ട്രീയ പ്രവേശനം പ്രഖ്യാപിച്ച ശേഷം രജനീകാന്ത് നായകനായി പുറത്തിറങ്ങിയ 'കാലാ'യെ വെല്ലുന്ന രംഗങ്ങളാണ് വിശ്വരൂപം 2 ടീസറിലുള്ളത്. കമല്‍ തന്നെ സംഭാഷണവും തിരക്കഥയും സംവിധാനവും നിര്‍വഹിച്ചിരിക്കുന്നതിനാല്‍ ഇന്ത്യന്‍ സിനിമാലോകം പ്രതീക്ഷയോടെ ആണ് ഓഗസ്റ്റ് 10ന് എത്തുന്ന സിനിമയുടെ റിലീസിനെ നോക്കി കാണുന്നത്. 

ഹോളിവുഡ് സിനിമയെ അനുസ്മരിപ്പിക്കുന്ന രൂപത്തിലാണ് ചിത്രീകരണം. രഹസ്യാന്വേഷണ ഏജന്‍സിയായ 'റോ' ഉദ്യോഗസ്ഥനായി അമ്പരിപ്പിക്കുന്ന അഭിനയമാണ് കമല്‍ കാഴ്ചവച്ചിരിക്കുന്നതെന്നത് പുറത്ത് വിട്ട ടീസറില്‍ തന്നെ വ്യക്തമാണ്. എന്നാല്‍ രജനിയുടെ അടുത്തിറങ്ങിയ സിനിമയുമായി താരതമ്യപ്പെടുത്തുമ്പോള്‍ പുതിയ സിനിമ 'കാലാ' വലിയ വിജയമാണെന്ന് അണിയറ പ്രവര്‍ത്തകര്‍ക്ക് പോലും അവകാശപ്പെടാന്‍ കഴിയില്ല. ഈ സാഹചര്യത്തില്‍ വിശ്വരൂപം 2 കമല്‍ഹാസനെ സംബന്ധിച്ച്‌ ഏറെ നിര്‍ണ്ണായകമാണ്. 

തമിഴക സിനിമാരംഗത്ത് രജനി – കമല്‍ യുദ്ധത്തില്‍, കമല്‍ സിനിമയേക്കാള്‍ പണം വാരിയ സിനിമകള്‍ രജനിക്ക് അവകാശപ്പെട്ടതാണ്. എന്നാല്‍ കലാമൂല്യമുള്ള സിനിമകള്‍ എടുത്തു നോക്കുകയാണെങ്കില്‍ അതില്‍ ബഹുദൂരം മുന്നില്‍ കമല്‍ഹാസനാണ്. തമിഴകത്ത് മറ്റ് ഏത് താരത്തേക്കാളും വലിയ ആരാധകരുള്ള രജനിക്ക് തൂത്തുക്കുടി വെടി വയ്പിനെ ന്യായീകരിച്ചതാണ് ഇപ്പോള്‍ തിരിച്ചടിയായിരിക്കുന്നത്. 

കമല്‍ ആകട്ടെ ഇത് പരമാവധി ഉപയോഗപ്പെടുത്തുന്നുമുണ്ട്. സൂപ്പര്‍ താരങ്ങളായി തമിഴക ഭരണം പിടിച്ച മുന്‍ മുഖ്യമന്ത്രിമാരായ എം.ജി.രാമചന്ദ്രന്റെയും ജയലളിതയുടെയും പിന്‍ഗാമിയാകാന്‍ സിനിമയെ തന്നെ ആയുധമാക്കിയാണ് രജനിയുടെയും കമലിന്റെയും ഇപ്പോഴത്തെ പടപുറപ്പാട്. 'കാലാ'ക്ക് ശേഷം പുറത്തിറങ്ങാനുള്ള രജനിയുടെ സിനിമയും ശങ്കറിന്റെ തന്നെ '2.0' ആണ്. ടീസര്‍ പുറത്തിറങ്ങി 13 മണിക്കൂറില്‍ 2,610,068 വ്യൂവേഴ്‌സും 120k ലൈക്കുമാണ് വിശ്വരൂപം 2 ടീസറിനു ലഭിച്ചിരിക്കുന്നത്.

Related Post

രജനീകാന്തും നയൻതാരയും ഒന്നിക്കുന്ന ദർബാറിന്റെ ഫസ്റ്റ് ലുക്ക് പുറത്ത്

Posted by - Apr 9, 2019, 04:45 pm IST 0
സൂപ്പർസ്റ്റാർ രജനീകാന്ത് നായകനായെത്തുന്ന ദർബാറിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു . സംവിധായകൻ എ ആർ മുരുഗദോസ് സംവിധാനം ചെയ്യുന്ന ചിത്രത്തിൽ നയൻതാരയാണ് നായിക.  എ ആർ…

തന്നെ തനാക്കിയത് ആര്‍.എസ്.എസ്: ലാല്‍ ജോസ്

Posted by - Sep 13, 2018, 08:21 am IST 0
കൊച്ചി: മലയാളത്തിലെ എക്കാലത്തെയും മികച്ച സൂപ്പര്‍ ഹിറ്റ് സംവിധായകനാണ് ലാല്‍ ജോസ്. എന്നാല്‍ തന്നെ തനാക്കിയത് ആര്‍.എസ്.എസ് ആണെന്ന് വ്യക്തമാക്കി. ഒരു സ്വകാര്യ ചാനലിനു നല്‍കിയ അഭിമുഖത്തിലാണ്…

ഗെയിം ഓഫ് ത്രോണ്‍സ് 'റീ യൂണിയന്‍' എപ്പിസോഡ്

Posted by - Apr 15, 2019, 06:00 pm IST 0
രണ്ട് വര്‍ഷത്തിലേറെ നീണ്ട കാത്തിരിപ്പിന് ശേഷം ഗെയിം ഓഫ് ത്രോണ്‍സ് അവസാന സീസണ്‍ സ്ട്രീമിംഗ് തുടങ്ങി. ആദ്യത്തെ എപ്പിസോഡ് ഇന്ത്യയില്‍ ഏപ്രില്‍ 15 രാവിലെ 6.30മുതലാണ് ലൈവ്…

ജനപ്രിയന്റെ കമ്മാര സംഭവം റിലീസിനൊരുങ്ങുന്നു

Posted by - Apr 2, 2018, 08:43 am IST 0
ജനപ്രിയന്റെ കമ്മാര സംഭവം റിലീസിനൊരുങ്ങുന്നു ജനപ്രിയ നായകൻ ദിലീപിനെ നായകനാക്കി രതീഷ് അമ്പാട്ട് സംവിധാനം ചെയ്യുന്ന കമ്മാര സംഭവം ഏപ്രിൽ ആദ്യ വാരം തീയേറ്ററുകളിൽ എത്തും.ശ്രീ ഗോകുലം…

ടിക് ടോക് ഇന്ത്യയില്‍ നിന്നും അപ്രത്യക്ഷമാകും 

Posted by - Apr 16, 2019, 04:32 pm IST 0
ദില്ലി: ആപ്പ് സ്റ്റോറുകളില്‍ നിന്നും ടിക് ടോക് ഉടന്‍ നീക്കം ചെയ്യാന്‍ ആപ്പിളിനോടും, ഗൂഗിളിനോടും കേന്ദ്രസര്‍ക്കാര്‍ ആവശ്യപ്പെടും. ഇലക്ട്രോണിക്  ഐടി മന്ത്രാലയം ഇത് സംബന്ധിച്ച് ഇരു ടെക്…

Leave a comment