കാലയെ ഞെട്ടിച്ച് കമലഹാസന്റെ വിശ്വരൂപം: സോഷ്യല്‍ മീഡിയയില്‍ തരംഗമായി കുതിച്ച് പാഞ്ഞ് വിശ്വരൂപം ടീസര്‍

111 0

സോഷ്യല്‍ മീഡിയയില്‍ തരംഗമായി കുതിച്ച് പാഞ്ഞ് വിശ്വരൂപം 2 ടീസര്‍. കമല്‍ ഹാസന്‍ രാഷ്ട്രീയത്തില്‍ ഇറങ്ങിയ ശേഷമുള്ള ആദ്യ സിനിമയുടെ ടീസറിനു വന്‍ വരവേല്‍പ്പാണ് ലഭിച്ചിരിക്കുന്നത്. രാഷ്ട്രീയ പ്രവേശനം പ്രഖ്യാപിച്ച ശേഷം രജനീകാന്ത് നായകനായി പുറത്തിറങ്ങിയ 'കാലാ'യെ വെല്ലുന്ന രംഗങ്ങളാണ് വിശ്വരൂപം 2 ടീസറിലുള്ളത്. കമല്‍ തന്നെ സംഭാഷണവും തിരക്കഥയും സംവിധാനവും നിര്‍വഹിച്ചിരിക്കുന്നതിനാല്‍ ഇന്ത്യന്‍ സിനിമാലോകം പ്രതീക്ഷയോടെ ആണ് ഓഗസ്റ്റ് 10ന് എത്തുന്ന സിനിമയുടെ റിലീസിനെ നോക്കി കാണുന്നത്. 

ഹോളിവുഡ് സിനിമയെ അനുസ്മരിപ്പിക്കുന്ന രൂപത്തിലാണ് ചിത്രീകരണം. രഹസ്യാന്വേഷണ ഏജന്‍സിയായ 'റോ' ഉദ്യോഗസ്ഥനായി അമ്പരിപ്പിക്കുന്ന അഭിനയമാണ് കമല്‍ കാഴ്ചവച്ചിരിക്കുന്നതെന്നത് പുറത്ത് വിട്ട ടീസറില്‍ തന്നെ വ്യക്തമാണ്. എന്നാല്‍ രജനിയുടെ അടുത്തിറങ്ങിയ സിനിമയുമായി താരതമ്യപ്പെടുത്തുമ്പോള്‍ പുതിയ സിനിമ 'കാലാ' വലിയ വിജയമാണെന്ന് അണിയറ പ്രവര്‍ത്തകര്‍ക്ക് പോലും അവകാശപ്പെടാന്‍ കഴിയില്ല. ഈ സാഹചര്യത്തില്‍ വിശ്വരൂപം 2 കമല്‍ഹാസനെ സംബന്ധിച്ച്‌ ഏറെ നിര്‍ണ്ണായകമാണ്. 

തമിഴക സിനിമാരംഗത്ത് രജനി – കമല്‍ യുദ്ധത്തില്‍, കമല്‍ സിനിമയേക്കാള്‍ പണം വാരിയ സിനിമകള്‍ രജനിക്ക് അവകാശപ്പെട്ടതാണ്. എന്നാല്‍ കലാമൂല്യമുള്ള സിനിമകള്‍ എടുത്തു നോക്കുകയാണെങ്കില്‍ അതില്‍ ബഹുദൂരം മുന്നില്‍ കമല്‍ഹാസനാണ്. തമിഴകത്ത് മറ്റ് ഏത് താരത്തേക്കാളും വലിയ ആരാധകരുള്ള രജനിക്ക് തൂത്തുക്കുടി വെടി വയ്പിനെ ന്യായീകരിച്ചതാണ് ഇപ്പോള്‍ തിരിച്ചടിയായിരിക്കുന്നത്. 

കമല്‍ ആകട്ടെ ഇത് പരമാവധി ഉപയോഗപ്പെടുത്തുന്നുമുണ്ട്. സൂപ്പര്‍ താരങ്ങളായി തമിഴക ഭരണം പിടിച്ച മുന്‍ മുഖ്യമന്ത്രിമാരായ എം.ജി.രാമചന്ദ്രന്റെയും ജയലളിതയുടെയും പിന്‍ഗാമിയാകാന്‍ സിനിമയെ തന്നെ ആയുധമാക്കിയാണ് രജനിയുടെയും കമലിന്റെയും ഇപ്പോഴത്തെ പടപുറപ്പാട്. 'കാലാ'ക്ക് ശേഷം പുറത്തിറങ്ങാനുള്ള രജനിയുടെ സിനിമയും ശങ്കറിന്റെ തന്നെ '2.0' ആണ്. ടീസര്‍ പുറത്തിറങ്ങി 13 മണിക്കൂറില്‍ 2,610,068 വ്യൂവേഴ്‌സും 120k ലൈക്കുമാണ് വിശ്വരൂപം 2 ടീസറിനു ലഭിച്ചിരിക്കുന്നത്.

Related Post

രാജ്യാന്തര ചലച്ചിത്രമേളയുടെ ഡെലിഗേറ്റ് പാസ് വിതരണം ആരംഭിച്ചു

Posted by - Dec 3, 2018, 05:56 pm IST 0
രാജ്യാന്തര ചലച്ചിത്രമേളയുടെ ഡെലിഗേറ്റ് പാസ് വിതരണം ആരംഭിച്ചു.വൈകിട്ട് മൂന്നിന് ടാഗോര്‍ തീയേറ്ററില്‍ മന്ത്രി എ.കെ.ബാലന്‍ ഉദ്ഘാടനം ചെയ്യ്തത്. ഓണ്‍ലൈനായും നേരിട്ടും രജിസ്റ്റര്‍ ചെയ്തവര്‍ക്ക് ടാഗോര്‍ തിയേറ്ററിലെ പ്രത്യേക…

 പേളി മാണിയും ശ്രീനിഷ് അരവിന്ദും വിവാഹിതരായി.  

Posted by - May 5, 2019, 10:50 pm IST 0
നടിയും അവതാരകയുമായ പേളി മാണിയും സീരിയല്‍ നടന്‍ ശ്രീനിഷ് അരവിന്ദും വിവാഹിതരായി. ചൊവ്വരപ്പള്ളിയില്‍ വച്ചാണ് വിവാഹം നടന്നത്. തുടര്‍ന്ന് നെടുമ്പാശേരി സിയാല്‍ കണ്‍വന്‍ഷന്‍ സെന്ററില്‍ വച്ച് വിവാഹസത്കാരം…

പ്രമുഖ സിനിമ – സീരിയല്‍ നടന്‍ ഗീതാ സലാം അന്തരിച്ചു

Posted by - Dec 19, 2018, 07:51 pm IST 0
പ്രമുഖ സിനിമ – നാടക-സീരിയല്‍ നടന്‍ ഓച്ചിറ ഗീതാ സലാം (73) അന്തരിച്ചു. ആലപ്പുഴ മെഡിക്കല്‍ കോളജ് ആശുപത്രിയില്‍ ബുധനാഴ്ച്ച വൈകുന്നേരം 4.30 മണിയോടെയായിരുന്നു അന്ത്യം. ഈ…

മാണിക്യ മലരിന് പുതിയ റെക്കാഡ് 

Posted by - Mar 10, 2018, 08:23 am IST 0
മാണിക്യ മലരിന് പുതിയ റെക്കാഡ്  ഒമർ ലുലു സംവിധാനം ചെയ്യുന്ന  ഒരു അഡാർ ലൗ എന്ന ചിത്രത്തിലെ മാണിക്യ മലരായ പൂവി എന്ന ചലച്ചിത്ര ഗാനത്തിന് പുതിയ…

കായംകുളം കൊച്ചുണ്ണിയിലെ സംഭാഷണം സോഷ്യൽ മീഡിയയിൽ വൈറലാകുന്നു  

Posted by - Mar 1, 2018, 03:03 pm IST 0
നിവിൻപോളി നായകനാകുന്ന കായംകുളം കൊച്ചുണ്ണി എന്ന സിനിമയിലെ ഇത്തിക്കരപ്പാക്കിയുടെ ഡയലോഗ് ആണ് ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നത് . നടനവിസ്മയം മോഹൻലാൽ ആണ് ഇത്തിക്കരപ്പാക്കിയായ് വെള്ളിത്തിരയിൽ എത്തുന്നത്…

Leave a comment