ബുല്‍ധാന: മഹാരാഷ്ട്രയില്‍ ടയര്‍ പൊട്ടി നിയന്ത്രണം വിട്ട ട്രക്ക് ടെമ്പോ വാനുമായി കൂട്ടിയിടിച്ച് 13 മരണം. മരിച്ചവരില്‍ ആറ് പേര്‍ ഒരു കുടുംബത്തിലെ അംഗങ്ങളാണ്. മഹാരാഷ്ട്രയിലെ ബുല്‍ധാനയ്ക്ക് സമീപമാണ് അപകടം. പരുക്കേറ്റ മൂന്ന് പേരെ ആശുപത്രിയില്‍ പ്രവേശിപ്പിച്ചു. ഇവരുടെ നില അതീവ ഗുരുതരമാണ്.
ഓട്ടത്തിനിടെ ട്രക്കിന്റെ ഒരു ടയര്‍ പൊട്ടിയതിനെ തുടര്‍ന്ന് നിയന്ത്രണം വിട്ട് എതിരെ വരുകയായിരുന്ന മഹീന്ദ്ര മാക്സി ടെമ്പോയുമായി ഇടിക്കുകയായിരുന്നു. ടെമ്പോ യാത്രക്കാര്‍ മല്‍ക്കപൂരില്‍ നിന്ന് അനൂര്‍ബാദിലേക്ക് പോവുകയായിരുന്നു. ട്രക്ക് ഡ്രൈവറെ പോലീസ് കസ്റ്റഡിയില്‍ എടുത്തു. ഇടിയുടെ ആഘാതത്തില്‍ പരസ്പരം കൊരുത്തു പോയ വാഹനങ്ങള്‍ ജെ.സി.ബി എത്തിച്ചാണ് വേര്‍പെടുത്തിയത്.
