മുംബൈ: റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനി ലോകത്തെ സമ്പന്നരുടെ പട്ടികയില്‍ ഒമ്പതാം സ്ഥാനത്തെത്തി. ഫോബ്സിന്റെ 'റിലയല്‍ ടൈം ബില്യണയേഴ്സ്' പട്ടികയിലാണ് അംബാനി ഈ നേട്ടം കൈവരിച്ചത്. ആമസോണിന്റെ സ്ഥാപകനും സിഇഒയുമായ ജെഫ് ബെസോസാണ് പട്ടികയില്‍ ഒന്നാം സ്ഥാനത്ത്. വ്യാഴാഴ്ചയിലെ കണക്കുപ്രകാരം അദ്ദേഹത്തിന്റെ തത്സമയ ആസ്തി 11300 കോടി ഡോളറാണ്.
വ്യാഴാഴ്ച റിലയന്‍സിന്റെ ഓഹരി വില 52 ആഴ്ചയിലെ ഉയര്‍ന്ന നിലവാരമായ 1,581.25 രൂപയിലെത്തിയിരുന്നു. 40 ശതമാനമാണ് ഒരു വര്‍ഷത്തിനിടെ ഓഹരി വിലയിലുണ്ടായ നേട്ടം. രാജ്യത്തെ ഒരു കമ്പനി 10 ലക്ഷം കോടിയിലധികം വിപണി മൂല്യം നേടുന്നതും ഇതാദ്യമായാണ്.
മുകേഷ് അംബാനി ലോകത്തെ സമ്പന്നരുടെ പട്ടികയില്‍ ഒമ്പതാം സ്ഥാനത്തെത്തി
Posted on Nov 29, 2019, 01:47 pm IST at 1:47 pm 
