ന്യൂഡല്‍ഹി: മോഷണ ശ്രമം തടയാന്‍ ശ്രമിച്ച യുവതിയെ അമ്മയുടേയും മകന്റേയും മുന്നിലിട്ട് കുത്തിക്കൊന്നു. ഡല്‍ഹി ആദര്‍ശ് നഗറിലാണ് സംഭവം. പഞ്ചാബ് സ്വദേശി സിമ്രാന്‍ കൗര്‍ ആണ് കൊല്ലപ്പെട്ടത്. സംഭവത്തില്‍ പോലീസ് അന്വേഷണം ആരംഭിച്ചിരിക്കുകയാണ്.
രാത്രി 9.30-ഓടെ അമ്മയ്ക്കും മകനുമൊപ്പം മാര്‍ക്കറ്റില്‍ നിന്നും വീട്ടിലേക്കു പോകുകയായിരുന്ന യുവതിക്കുനേരെ അപ്രതീക്ഷിതമായി ആക്രമണം ഉണ്ടാകുകയായിരുന്നു. വഴിയിലേക്കു കയറിയ യുവതിയടെ മാല പൊട്ടിക്കാന്‍ ശ്രമിച്ച യുവാവിനെ ചെറുത്തതോടെ അയാള്‍ കയ്യില്‍ കരുതിയിരുന്ന കത്തി ഉപയോഗിച്ച് യുവതിയെ കുത്തി പരിക്കേല്‍പ്പിച്ചു. ആളുകള്‍ ഓടിയടുത്തതോടെ അക്രമി സ്ഥലത്തു നിന്നും രക്ഷപെട്ടു. യുവതിയെ ആശുപത്രിയില്‍ പ്രവേശിപ്പിച്ചെങ്കിലും പരുക്ക് ഗുരുതരമായിരുന്നതിനാല്‍ ജീവന്‍ രക്ഷിക്കാനായില്ല.
