കേവലം ഒരു ശബ്ദമല്ലായിരുന്നു; ഗോപനെ അനുസ്മരിച്ച് സംവിധയകന്‍ ജിസ് ജോയിയുടെ കുറിപ്പ്  

268 0

വിജയ് സൂപ്പറും പൗര്‍ണമിയും എന്ന ചിത്രത്തില്‍ പരിചയപ്പെടുത്താന്‍ ഉപയോഗിച്ച ശബ്ദത്തിനുടമ ഗോപനെ അനുസ്മരിച്ച് സംവിധായകന്‍ ജിസ്സ് ജോയ്. ഫെയ്സ്ബുക്ക് കുറിപ്പിലൂടെയാണ് അദ്ദേഹം ഓര്‍മ്മകള്‍ പങ്കുവച്ചത്.

ജിസ് ജോയുടെ ഫെയ്സ്ബുക്ക് പോസ്റ്റിന്റെ പൂര്‍ണരൂപം,

കേവലം ഒരു ശബ്ദമല്ലായിരുന്നു ??????

വിജയ് സൂപ്പറും പൗര്‍ണ്ണമിയും എന്ന എന്റെ ഏറ്റവും പുതിയ ചിത്രത്തില്‍ , തുടക്കത്തിലെ ഉള്ള ശബ്ദം ( നരേഷന്‍ ) ഗോപന്‍ ചേട്ടന്റേതായിരുന്നു ( ശ്വാസകോശം -പുകവലി പാടില്ല പരസ്യത്തിലൂടെ പ്രശസ്തമായ ശബ്ദത്തിനുടമ )

മലയാള സിനിമയില്‍ സ്ഥിരം നരേഷന്‍ പലപ്പോഴും പ്രമുഖരായ ഏതാനും സംവിധായകരോ ശ്രീനിയേട്ടനോ ഒക്കെ ആണ് ചെയ്യാറ് എന്റെ സിനിമയില്‍ അതൊന്നു മാറ്റി പിടിക്കാം എന്ന് കരുതി , നമ്പര്‍ തേടിപ്പിടിച്ചു വിളിച്ചപ്പോള്‍ ഏറെ സന്തോഷത്തോടെ ചെയ്യാം എന്ന് ഗോപന്‍ ചേട്ടന്‍ സമ്മതിച്ചു ! ഞാന്‍ ഇവിടെനിന്നു ട്രാക്ക് ഡബ് ചെയ്തു അയച്ചു കൊടുത്തു , അതു കേട്ടു ഡല്‍ഹിയിലെ ഏതോ സ്റ്റുഡിയോയില്‍ പോയി ഡബ് ചെയ്ത് എനിക്ക് അയച്ചു തന്നു കേട്ടപ്പോള്‍ ഞാന്‍ ഒരുപാട് ചിരിച്ചു ! നന്ദി പറയാന്‍ ഞാന്‍ വിളിച്ചപ്പോള്‍ എന്നോട് പരിഭവം പോലെ പറഞ്ഞു ' എന്തോ , സിനിമയില്‍ എന്റെ ശബ്ദം അങ്ങനെ ആരും ഉപയോഗിച്ചിട്ടില്ല , എനിക്ക് ഏറെ ആഗ്രഹം ഉണ്ടായിരുന്നിട്ടും. എന്ത് തോന്നി എന്റെ വോയ്‌സ് ഈ സിനിമയില്‍ ഉപയോഗിക്കാന്‍ ?' ഞാന്‍ പറഞ്ഞു 'പുതുമ'. പിന്നെ ചേട്ടന്റെ ശബ്ദം ഒരു ഫ്ലാഷ് മോബിന്റെ എഫക്ട് എനിക്ക് ചെയ്യാറുണ്ട് , അത് സിനിമയിലൂടെ പ്രേക്ഷകര്‍ക്കും നല്കാന്‍ ആയാല്‍ നല്ലതല്ലേ ? അദ്ദേഹം അത് കേട്ടു ഏറെ ചിരിച്ചു സിനിമയ്ക്ക് ആശംസ അറിയിച്ചു ഫോണ്‍ വെച്ചു ഏറെ നാള്‍ കഴിഞ്ഞു സിനിമ ഡല്‍ഹിയില്‍ കണ്ടതിനു ശേഷം എന്നെ ഫോണില്‍ വിളിക്കുകയും കേരളത്തില്‍ വരുമ്പോള്‍ നമുക്ക് കാണാം എന്ന് പറയുകയും ചെയ്തു
വിജയ് സൂപ്പറും പൗര്‍ണ്ണമിയും കണ്ട എത്രയോ പേര്‍ എന്നെ വിളിച്ചു അദ്ദേഹത്തിന്റെ ശബ്ദം ഉപയോഗിക്കാന്‍ തോന്നിയതു നന്നായെന്ന് പറഞ്ഞു

ഇന്നലെ ഒരു പ്രമുഖ സംവിധായകന്‍ എന്റെ കയ്യില്‍ നിന്നും ഗോപന്‍ ചേട്ടന്റെ നമ്പര്‍ വാങ്ങി , ഒരു പരസ്യം ഡബ് ചെയ്യിക്കാന്‍ അടുത്ത ആഴ്ചയാണ് ഡബ്ബിങ് അതിനു മുന്‍പ് എന്നോടൊന്ന് വിളിച്ചു ഗോപന്‍ ചേട്ടന്റെ അടുത്ത് ശിേൃീറൗരല ചെയ്യണമെന്നും സംവിധായക സുഹൃത്തു ആവശ്യപ്പെട്ടു ഞാന്‍ സമ്മതിച്ചു

പെട്ടന്ന് ഇപ്പോ ഈ വാര്‍ത്ത കേള്‍ക്കുമ്പോള്‍ വിശ്വസിക്കാനാവുന്നില്ല എല്ലാ വേര്‍പാടും അങ്ങനെ ആണല്ലോ അല്ലെ

അതെ , നമുക്ക് ഇദ്ദേഹത്തിന്റെ ശബ്ദം കേള്‍ക്കുമ്പോള്‍ ലഭിച്ചിരുന്നത് ഒരു ഫ്ലാഷ് മോബ് കാണും പോലുള്ള ഊഷ്മളതയും ഉണര്‍വും ആയിരുന്നു ആലോചിച്ചു നോക്കുമ്പോള്‍ മറ്റാരും ഇല്ല ഒരു ശബ്ദം കൊണ്ട് മാത്രം അതൊക്കെ നമ്മിലുളവാക്കാന്‍

സിനിമയില്‍ അദ്ദേഹത്തിന്റെ ശബ്ദം കൊണ്ടുവരാന്‍ ഒരു നിയോഗമായതിന് പിന്നിലും ഉണ്ടാകും എന്തേലുമൊക്കെ നിയോഗങ്ങള്‍ .. ഇപ്പോ എനിക്കതു അറിയില്ല …
ഒരിക്കല്‍ പോലും നേരില്‍ കണ്ടിട്ടില്ലാത്ത പ്രിയ ഗോപന്‍ ചേട്ടന് വേദനയോടെ വിട .. പ്രണാമം
അങ്ങയുടെ ശബ്ദം ' കേവലം ഒരു ശബ്ദമല്ലായിരുന്നു ഞങ്ങള്‍ക്ക് ' ??????

Related Post

യുവനടന്‍ ഷെയിന്‍ നിഗമിനെ നിര്‍മാതാക്കളുടെ സംഘടന വിലക്കി

Posted by - Nov 28, 2019, 04:20 pm IST 0
കൊച്ചി: യുവനടന്‍ ഷെയിന്‍ നിഗമിനെ നിര്‍മാതാക്കളുടെ സംഘടന വിലക്കി. സിനിമ ചിത്രീകരണത്തോടുള്ള നിസഹരണവും വെല്ലുവിളിയുമാണ് കാരണമായി പറയുന്നത് ഇപ്പോള്‍ ചിത്രീകരണത്തിലുള്ള  വെയില്‍, കുര്‍ബാനി ചിത്രങ്ങള്‍ ഉപേക്ഷിക്കാനും കൊച്ചിയില്‍…

ഐഎഫ്എഫ്‌കെ: 'ദിസ് ഈസ് നോട്ട് എ ബറിയല്‍'ന് സുവര്‍ണ്ണ ചകോരം; പ്രേക്ഷകരുടെ ഇഷ്ട ചിത്രം 'ചുരുളി'  

Posted by - Mar 6, 2021, 10:46 am IST 0
പാലക്കാട്: 25-ാമത് കേരള രാജ്യാന്തര ചലച്ചിത്ര മേളയില്‍ മികച്ച ചിത്രത്തിനുള്ള സുവര്‍ണ്ണ ചകോരം നേടി 'ദിസ് ഈസ് നോട്ട് എ ബറിയല്‍ ഇറ്റ്‌സ് എ റിസറക്ഷന്‍'. തെക്കന്‍…

നയന്‍താരയും വിഘ്‌നേഷും വിവാഹിതരാകുന്നു; നവംബറില്‍ വിവാഹനിശ്ചയം  

Posted by - May 4, 2019, 08:37 pm IST 0
നാലുവര്‍ഷത്തെ പ്രണയത്തിന് ശേഷം നയന്‍താരയും സംവിധായകന്‍ വിഘ്‌നേഷും വിവാഹിതരാകുന്നു. നവംബറോടെ ഇരുവരുടെയും വിവാഹനിശ്ചയമുണ്ടാകുമെന്നാണ് റിപ്പോര്‍ട്ടുകള്‍. അടുത്തവര്‍ഷം ആദ്യം തന്നെ ഇരുവരും വിവാഹിതരാകുമെന്നുമാണ് റിപ്പോര്‍ട്ടുകള്‍. എന്നാല്‍ വിവാഹ വാര്‍ത്തയോട്…

ചിരഞ്ജീവിയുടെ ചരിത്ര യുദ്ധസിനിമാ സെറ്റിലെ തീപിടുത്തം:  സെറ്റ് പൊളിച്ചുനീക്കുന്നതിന്റെ ചെലവ് ഒഴിവാക്കാന്‍ തീയിട്ടതെന്ന് സംശയം  

Posted by - May 4, 2019, 11:48 am IST 0
ഹൈദരാബാദ്: തെലുങ്ക് മെഗാസ്റ്റാര്‍ ചിരഞ്ജീവിയുടെ ചരിത്ര യുദ്ധസിനിമാ സെറ്റിന് മനപൂര്‍വം തീയിട്ടതാണെന്ന് റിപ്പോര്‍ട്ടുകള്‍. ഷൂട്ടിങ് തീര്‍ന്നു സെറ്റ് പൊളിച്ചുനീക്കുന്നതിന്റെ ചെലവ് ഒഴിവാക്കാന്‍ അണിയറപ്രവര്‍ത്തകര്‍ തീയിട്ടതാവാമെന്നാണ് സ്ഥിരീകരിക്കാത്ത റിപ്പോര്‍ട്ടുകള്‍.…

ദിലീപിനെ പിന്തുണച്ചും ഡബ്ല്യുസിസിയെ വിമര്‍ശിച്ചും ശ്രീനിവാസന്‍  

Posted by - May 7, 2019, 08:03 pm IST 0
കൊച്ചി: ദിലീപ് വിഷയത്തില്‍ മമ്മൂട്ടിയും മോഹന്‍ലാലും ഉള്‍പ്പെടെയുള്ള സൂപ്പര്‍താരങ്ങള്‍ മൗനം പാലിച്ചു പോരുന്ന സമയത്ത് നടനും സംവിധായകനുമായ ശ്രീനിവാസന്റെ തുറന്നു പറച്ചില്‍. നടിയെ ആക്രമിച്ച കേസില്‍ നടന്‍…

Leave a comment