നാലുവര്‍ഷത്തെ പ്രണയത്തിന് ശേഷം നയന്‍താരയും സംവിധായകന്‍ വിഘ്‌നേഷും വിവാഹിതരാകുന്നു. നവംബറോടെ ഇരുവരുടെയും വിവാഹനിശ്ചയമുണ്ടാകുമെന്നാണ് റിപ്പോര്‍ട്ടുകള്‍. അടുത്തവര്‍ഷം ആദ്യം തന്നെ ഇരുവരും വിവാഹിതരാകുമെന്നുമാണ് റിപ്പോര്‍ട്ടുകള്‍. എന്നാല്‍ വിവാഹ വാര്‍ത്തയോട് ഇരുവരും ഔദ്യോഗികമായി പ്രിതികരിച്ചിട്ടില്ല.
2018 ല്‍ ഒരു അവാര്‍ഡ് വേദിയില്‍ വിഘ്‌നേഷിനെ ഭാവിവരന്‍ എന്ന് നയന്‍താര വിശേഷിപ്പിച്ചിരുന്നു. പൊതു പരിപാടികളില്‍ ഒന്നിച്ചെത്തിയും അവധി ആഘോഷിക്കാന്‍ വിദേശത്തേക്ക് പോവുന്നതുമടക്കം ഇരുവരും ഒന്നിച്ചുള്ള നിമിഷങ്ങള്‍ സോഷ്യല്‍ മീഡിയയിലൂടെ ഇരുവരും പങ്കുവയ്ക്കാറുണ്ട്. പിറന്നാള്‍ ദിനങ്ങളിലും മറ്റ് ആഘോഷ ദിവസങ്ങളിലും നയന്‍താരയ്ക്കൊപ്പം വിഘ്നേഷുമുണ്ടാകാറുണ്ട്.
കഴിഞ്ഞ വര്‍ഷം ശക്തമായ സ്ത്രീ കഥാപാത്രങ്ങളിലൂടെയും അഭിനയ പ്രധാന്യമുള്ള വേഷങ്ങളിലൂടെയും നയന്‍താര പ്രേക്ഷകരെ അത്ഭുതപ്പെടുത്തിയിരുന്നു. നിവിന്‍ പോളി നായകനായി അഭിനയിക്കുന്ന ലവ് ആക്ഷന്‍ ഡ്രാമ എന്ന ചിത്രത്തിലൂടെ വര്‍ഷങ്ങള്‍ക്ക് ശേഷം മലയാളത്തിലേക്ക് വീണ്ടും തിരിച്ച് വരവിന് ഒരുങ്ങുകയാണ് നടിയിപ്പോള്‍. ധ്യാന്‍ ശ്രീനിവാസനാണ് ചിത്രം സംവിധാനം ചെയ്യുന്നത്.
