സംസ്ഥാന ചലച്ചിത്ര അവാർഡിന് 119 ചിത്രങ്ങൾ 

166 0

ഇത്തവണത്തെ കേരളാ സംസ്ഥാന ചലച്ചിത്ര അവാർഡിന് മത്സരിക്കാൻ  119 മലയാള ചിത്രങ്ങളാണ് ലിസ്റ്റ് ചെയ്യപ്പെട്ടിരിക്കുന്നത്. അതിൽ മോഹൻലാൽ, മമ്മൂട്ടി എന്നിവരുടെ ബിഗ് ബജറ്റ് ചിത്രങ്ങളടക്കമുണ്ട്. റിലീസ് ആയിട്ടില്ല എങ്കിലും കഴിഞ്ഞ വർഷം ഡിസംബർ മുപ്പത്തിയൊന്നിന് മുൻപ് സെൻസർ ചെയ്തത് കൊണ്ട് മോഹൻലാൽ- പ്രിയദർശൻ ടീമിന്റെ ബ്രഹ്മാണ്ഡ ചിത്രമായ മരക്കാർ അറബിക്കടലിന്റെ സിംഹവും സംസ്ഥാന ചലച്ചിത്ര അവാർഡിൽ മത്സരിക്കാൻ യോഗ്യത നേടിയിട്ടുണ്ട്. 

മോഹൻലാലിന്റെ മരക്കാർ, ലൂസിഫർ എന്നീ ബിഗ് ബജറ്റ് ചിത്രങ്ങൾ ഉള്ളപ്പോൾ മമ്മൂട്ടിക്ക് ഉള്ളത് എം പദ്മകുമാർ ഒരുക്കിയ മാമാങ്കം, ഉണ്ട എന്നീ ചിത്രങ്ങളാണ്. മികച്ച നടനുള്ള മത്സരം ഇവർ രണ്ടു പേരും കൂടിയെത്തുമ്പോൾ കൂടുതൽ കടുപ്പമുള്ളതാകും. മാത്രമല്ല സാങ്കേതിക വിഭാഗത്തിൽ ജോലി ചെയ്തവർക്കുള്ള അവാർഡുകൾക്കും ഇത്തവണ വലിയ മത്സരമാകും നടക്കുക. ഈ ചിത്രങ്ങൾ കൂടാതെ അവാർഡിന് സമർപ്പിച്ചിട്ടുള്ളതിൽ പ്രമുഖമായ ചിത്രങ്ങൾ എ ഡി ഗിരീഷ് ഒരുക്കിയ തണ്ണീർമത്തൻ ദിനങ്ങൾ, മധു സി നാരായണന്റെ കുമ്പളങ്ങി നൈറ്റ്സ്, ലിജോ ജോസ് പെല്ലിശ്ശേരി ഒരുക്കിയ ജെല്ലിക്കെട്ട്, ആഷിഖ് അബു ഒരുക്കിയ വൈറസ്, ഡോക്ടർ ബിജുവിന്റെ വെയിൽ മരങ്ങൾ, ടി കെ രാജീവ് കുമാറിന്റെ കോളാമ്പി, റോഷൻ ആൻഡ്രൂസിന്റെ പ്രതി പൂവൻ കോഴി, മനു അശോകൻ ഒരുക്കിയ ഉയരെ, രതീഷ് പൊതുവാൾ ഒരുക്കിയ ആൻഡ്രോയിഡ് കുഞ്ഞപ്പൻ, ജോൺ പോൾ ജോർജിന്റെ അമ്പിളി, ജീൻ പോൾ ലാലിൻറെ ഡ്രൈവിംഗ് ലൈസെൻസ്, എം എ നിഷാദിന്റെ തെളിവ്, വേണു നായരുടെ ജലസമാധി, കെ പി കുമാരന്റെ ഗ്രാമവൃക്ഷത്തിലെ കുയിൽ, പി ആർ അരുണിന്റെ ഫൈനൽസ്, വിവേക് തോമസിന്റെ അതിരൻ, ജോഷിയുടെ പൊറിഞ്ചു മറിയം ജോസ്, എം സി ജോസഫിന്റെ വികൃതി, ഗീതു മോഹൻദാസ് സംവിധാനം ചെയ്ത മൂത്തോൻ, വിധു വിൻസെന്റിന്റെ സ്റ്റാൻഡ് അപ്, കിരൺ പ്രഭാകറിന്റെ താക്കോൽ, ജി പ്രജിത്തിന്റെ സത്യം പറഞ്ഞാൽ വിശ്വസിക്കുമോ, മനോജ് കാനയുടെ കെഞ്ജീര, എം ജി ശശിയുടെ അഭിമാനിനി, രാഹുൽ റിജി നായരുടെ കള്ളനോട്ടം എന്നിവയാണ്.

ഇത് കൂടാതെ വളരെ രസകരമായതും വ്യത്യസ്തമായതുമായ പേരുകളുള്ള ചില ചിത്രങ്ങളും മത്സര രംഗത്തുണ്ട്. പി.ആർ.അരുണിന്റെ ‘രംപുന്തനവരുതി’, ഷെറി ഒരുക്കിയ ‘കഖഗഘങ ചഛജഝഞ ടഠഡഢണ തഥദധന പഫബഭമ യരലവശഷസഴറ എന്നിവയാണ് അവ. സൈമൺ കുരുവിളയുടെ നല്ല കോട്ടയംകാരൻ, ബിനു ഭാസ്കറിന്റെ കോട്ടയം എന്നിവയും മത്സര രംഗത്തുള്ള ചിത്രങ്ങളാണ്. മൂന്നു ഗ്രൂപ്പുകളായി തിരിഞ്ഞ് അവാർഡ് കമ്മിറ്റി 119 സിനിമകൾ കണ്ടതിനു ശേഷം അവാർഡിന് യോഗ്യതയുള്ള ചിത്രങ്ങളെ രണ്ടാം റൗണ്ടിലേക്ക് പരിഗണിക്കുകയും ആ ചിത്രങ്ങളിൽ നിന്ന് അവാർഡ് പ്രഖ്യാപിക്കുകയുമാണ് ചെയ്യുക. ചലച്ചിത്ര അക്കാദമി ചെയർമാൻ കമലിന്റെ മകൻ ജനുസ് മുഹമ്മദിന്റെ നയൻ എന്ന ചിത്രം മത്സര രംഗത്തുണ്ട് എങ്കിലും കമൽ സംവിധാനം ചെയ്ത ചിത്രം മത്സരത്തിന് സമർപ്പിച്ചിട്ടില്ല.

Related Post

മാര്‍ഗംകളിവേഷത്തില്‍ മോഹന്‍ലാല്‍; ഇട്ടിമാണിയിലെ ചിത്രം ആരാധകരേറ്റെടുത്തു  

Posted by - May 20, 2019, 01:14 pm IST 0
ഇട്ടിമാണി മെയ്ഡ് ഇന്‍ ചൈന എന്ന ചിത്രത്തില്‍ മാര്‍ഗംകളി വേഷത്തിലെത്തുന്ന മോഹന്‍ലാലിന്റെ ചിത്രം പുറത്തുവന്നതോടെ അതിവേഗമാണ് ശ്രദ്ധപിടിച്ചുപറ്റിയത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിക്കുന്ന ഇട്ടിമാണി…

സുരേഷ് ഗോപി-ജോഷി കൂട്ടുകെട്ടിന്റെ പാപ്പന്‍ ചിത്രീകരണം തുടങ്ങുന്നു  

Posted by - Mar 4, 2021, 10:26 am IST 0
സുരേഷ് ഗോപിയെ നായകനാക്കി ജോഷി സംവിധാനം ചെയ്യുന്ന പാപ്പന്റെ ചിത്രീകരണത്തിന് നാളെ തുടക്കം. വെട്ടിയൊതുക്കിയ താടിയും മുടിയുമായുള്ള നായക കഥാപാത്രത്തിന്റെ ലുക്ക് പുറത്തുവിട്ടു. ഏറെക്കാലത്തിനുശേഷം സുരേഷ് ഗോപി…

 ജേജി ജോണ്‍ വീടിനുള്ളില്‍ മരിച്ച നിലയില്‍

Posted by - Dec 24, 2019, 11:56 am IST 0
തിരുവനന്തപുരം: ഗായികയും അവതാരകയുമായ ജേജി ജോണിനെ വീടിനുള്ളില്‍ മരിച്ച നിലയില്‍ കണ്ടെത്തി. തിരുവനന്തപുരം കുറവന്‍കോണത്തെ വീട്ടിലാണ്  ഇവരെ മരിച്ച നിലയില്‍ കണ്ടെത്തിയത്. തിങ്കളാഴ്ച വൈകിട്ടോടെയാണ് സംഭവം. അയല്‍വാസികള്‍…

മനോഹരത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു; വിനീത് എത്തുന്നത് ചിത്രകാരന്റെ വേഷത്തില്‍  

Posted by - May 1, 2019, 09:47 am IST 0
വിനീത് ശ്രീനിവാസന്‍ നായകനാകുന്ന പുതിയ സിനിമയായ മനോഹരത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. അന്‍വര്‍ സാദിഖ് കഥയും തിരക്കഥയും സംവിധാനവും ഒരുക്കുന്ന ചിത്രത്തില്‍ വിനീത് എത്തുന്നത് ഒരു…

'സ്റ്റാര്‍' ഫസ്റ്റ്ലുക്ക് പോസ്റ്റര്‍ ഇറങ്ങി; ചിത്രം ഏപ്രില്‍ 9-ന്  

Posted by - Mar 17, 2021, 10:13 am IST 0
പൈപ്പിന്‍ ചുവട്ടിലെ പ്രണയം' എന്ന ചിത്രത്തിനു ശേഷം ഡോമിന്‍ ഡി സില്‍വ സംവിധാനം ചെയ്യുന്ന പുതിയ ചിത്രമാണ് 'സ്റ്റാര്‍'. ജോജു ജോര്‍ജ്, പൃഥ്വിരാജ്, ഷീലു എബ്രഹാം എന്നിവര്‍…

Leave a comment