തിരുവനന്തപുരം: എന്‍എസ്‌എസിനെ രൂക്ഷമായി വിമര്‍ശിച്ച്‌ മുഖ്യമന്ത്രി പിണറായി വിജയന്‍. എന്‍എസ്‌എസിന് ഇരട്ടത്താപ്പാണെന്ന് സംഘടനയുടെ പേരെടുത്ത് പറയാതെ മുഖ്യമന്ത്രി കുറ്റപ്പെടുത്തി. ഏതില്‍നിന്നൊക്കെ സമദൂരമെന്ന് എന്‍എസ്‌എസ് പരിശോധിക്കണമെന്നും അദ്ദേഹം പറഞ്ഞു.
നവോത്ഥാന പാരമ്പര്യമുള്ള സംഘടന അയ്യപ്പ ജ്യോതിയെ പിന്തുണച്ചു. മന്നത്തിന്‍റെ പ്രക്ഷോഭങ്ങള്‍ ഇന്നും പ്രസക്തമാണ്. നവോത്ഥാന പാരമ്പര്യമുള്ള ആളുകള്‍ക്ക് നവോത്ഥാന വിരുദ്ധരായി മാറിനില്‍ക്കാനാവില്ല. ഈ വിഭാഗത്തില്‍പ്പെട്ട ആളുകളും വനിതാമതിലില്‍ പങ്കെടുക്കുമെന്നാണ് തന്റെ വിശ്വാസമെന്നും മുഖ്യമന്ത്രി പറഞ്ഞു.
