ഹൈദരാബാദ്: നിയമസഭാ തെരഞ്ഞെടുപ്പ് നടക്കാനിരിക്കുന്ന തെലുങ്കാനയില്‍ ടിആര്‍എസ് നേതാവിന്‍റെ വസതിയില്‍നിന്നും ആദായനികുതി വകുപ്പ് ലക്ഷങ്ങള്‍ പിടിച്ചെടുത്തു. തെലുങ്കാന രാഷ്ട്ര സമിതി (ടിആര്‍എസ്) നേതാവ് പി. നരേന്ദ്ര റെഡ്ഡിയുടെ വസതിയില്‍നിന്നും 51 ലക്ഷം രൂപയാണ് ആദായനികുതി വകുപ്പ് പിടിച്ചെടുത്തത്.
രഹസ്യവിവരത്തെ തുടര്‍ന്നു ആദായനികുതി വകുപ്പ് നടത്തിയ പരിശോധനയിലാണ് ലക്ഷങ്ങള്‍ പിടിച്ചെടുത്തത്. രൂപയുടെ ഉറവിടം വെളിപ്പെടുത്താന്‍ നരേന്ദ്ര റെഡ്ഡിക്കു സാധിച്ചിട്ടില്ല. വോട്ടര്‍മാര്‍ക്ക് വിതരണം ചെയ്യാന്‍ സൂക്ഷിച്ചിരുന്ന പണമാണെന്നാണ് സൂചന. ഡിസംബര്‍ ഏഴിനാണ് തെലുങ്കാനയില്‍ വോട്ടെടുപ്പ്. ഡിസംബര്‍ 11നാണ് ഫലപ്രഖ്യാപനം.
