കൊട്ടാരക്കര: സ്വന്തം മുറിയില്‍ ഉറങ്ങിക്കിടന്ന പത്താം ക്ലാസുകാരിയെ പുലര്‍ച്ചെ വീടിന് പുറത്ത് പൊള്ളലേറ്റ നിലയില്‍ കണ്ടെത്തി. കൊട്ടാരക്കര മുട്ടറ സ്വദേശിനിയും പത്താം ക്ലാസ് വിദ്യാര്‍ഥിനിയുമായ പെണ്‍കുട്ടിക്കാണ് ദുരൂഹ സാഹചര്യത്തില്‍ പൊള്ളലേറ്റത്. പെണ്‍കുട്ടിയെ ആദ്യം കൊട്ടാരക്കര താലൂക്ക് ആശുപത്രിയിലും പിന്നീട് വിദഗ്ധ ചികിത്സയ്ക്കായി തിരുവനന്തപുരം മെഡിക്കല്‍ കോളജിലും പ്രവേശിപ്പിച്ചു.
പുലര്‍ച്ചെ വീടിനു പുറത്തു കണ്ടെത്തിയ പെണ്‍കുട്ടിയെ ബന്ധുക്കളാണ് ആശുപത്രിയിലെത്തിച്ചത്. പൊള്ളല്‍ ഗുരുതരമല്ല. രാത്രിയില്‍ വീട്ടിലെത്തിയ രണ്ടു യുവാക്കള്‍ തന്നെ വീട്ടില്‍ നിന്നും വലിച്ചിറക്കി പൊള്ളലേല്‍പ്പിക്കുകയായിരുന്നു എന്നാണ് പെണ്‍കുട്ടി ബന്ധുക്കള്‍ക്കും പോലീസിനും നല്‍കിയിട്ടുള്ള മൊഴി. മൊബൈല്‍ ഫോണുകളും ടവര്‍ ലൊക്കേഷനുകളും പരിശോധിച്ചു വരികയാണ് പോലീസ്.
