കോട്ടയം∙ ശബരിമലയില്‍ നടന്നതു നിരീശ്വരവാദികളെ മറയാക്കി സര്‍ക്കാര്‍ നടത്തിയ നാടകമെന്ന് ബിജെപി സംസ്ഥാന അധ്യക്ഷന്‍ പി.എസ്. ശ്രീധരന്‍ പിള്ള. നാടകം നടന്നതു മുഖ്യമന്ത്രിയുടെ ഓഫിസിന്റെ നിര്‍ദേശപ്രകാരമാണ്. സംഭവത്തെക്കുറിച്ചു ദേശീയ ഏജന്‍സി അന്വേഷിക്കണം. ഇതിനായി സംസ്ഥാനം ആവശ്യപ്പെടണമെന്നും അദ്ദേഹം പറഞ്ഞു. സിപിഎം എന്ന പാര്‍ട്ടി ശബരിമലയെ തകര്‍ക്കാനുള്ള നീക്കത്തിലാണ്.
ശബരിമലയില്‍നിന്നു വിശ്വാസികള്‍ പിന്‍വാങ്ങുന്നു.ശബരിമലയെ സാധാരണ അയ്യപ്പക്ഷേത്രങ്ങള്‍ പോലെയാക്കാനാണു നിരീശ്വര വാദികളുടെ നീക്കം. വിശ്വാസികള്‍ക്കൊപ്പം നില്‍ക്കുന്നത് ശബരിമല കര്‍മസമിതിയും ബിജെപിയുമാണ്. പൊലീസ് ഇത്രയും അപചയത്തിലേക്കു പോയ അവസ്ഥ കേരളത്തില്‍ മുന്‍പ് ഉണ്ടായിട്ടില്ലെന്നും ശ്രീധന. ഇത്തരം സംഭവങ്ങള്‍ക്കെതിരെ തിങ്കളാഴ്ച ബിജെപിയുടെ നേതൃത്വത്തില്‍ പ്രതിഷേധ ദിനം ആചരിക്കും. സമാധാനപരമായി പ്രതിഷേധ പ്രകടനങ്ങള്‍ നടത്തും.
