തിരുവനന്തപുരം: 10 കോടിയോളം രൂപ വിലമതിക്കുന്ന 30 കിലോ ഹാഷിഷുമായി തലസ്ഥാനത്ത് നിന്നും യുവാവിനെ പൊലീസ് അറസ്റ്റ് ചെയ്തു. ഇടുക്കി മുനിയറ പണിക്കംകുടിയില്‍ അജി(35) ആണ് അറസ്റ്റിലായത്.
നാര്‍കോട്ടിക് സെല്ലിന്റെ സഹായത്തോടെയാണ് പേട്ട പൊലീസ് ഇയാളെ അറസ്റ്റ് ചെയ്തത്. ആന്ധ്രയില്‍ നിന്ന് ട്രെയിന്‍ മാര്‍ഗ്ഗമാണ് കഞ്ചാവും ഹാഷീഷ് ഓയിലും കേരളത്തിലേക്ക് എത്തിച്ചിരുന്നതെന്ന് ഇയാള്‍ പൊലീസിനോട് സമ്മതിച്ചു. പാലക്കാട് എത്തിക്കുന്ന കഞ്ചാവ് പിന്നീട് ഇടനിലക്കാരെ അറിയിച്ചാണ് വില്‍പ്പന നടത്തി വന്നിരുന്നത്.
ആന്ധ്രയിലെ ശീലേരുവില്‍ നിന്നുമെത്തുന്ന ഹാഷിഷ് ഓയില്‍ വിദേശത്തേക്കും കടത്തിയിട്ടുള്ളതായി കണ്ടെത്തി. പ്രതിയെ റിമാന്‍ഡ് ചെയ്തിട്ടുണ്ട്.
