ന്യൂഡല്‍ഹി: പ്രധാനമന്ത്രി നരേന്ദ്ര മോദിയെക്കുറിച്ചുള്ള സിനിമ പിഎം മോദി ലോക്‌സഭാ തെരഞ്ഞെടുപ്പിന്റെ ഫലപ്രഖ്യാപനത്തിന് പിറ്റേന്ന് റിലീസ് ചെയ്യുമെന്ന് അണിയറ പ്രവര്‍ത്തകര്‍ അറിയിച്ചു.
നേരത്തെ ഏപ്രില്‍ 11ന് ചിത്രം റിലീസ് ചെയ്യാനായിരുന്നു അണിയറക്കാര്‍ തീരുമാനിച്ചിരുന്നത്.
എന്നാല്‍ ചിത്രം റിലീസ് ചെയ്യുന്നതിനെതിരേ പരാതി ഉയര്‍ന്നതോടെ തെരഞ്ഞെടുപ്പ് കമ്മീഷന്‍ റിലീസ് തടയുകയായിരുന്നു. പിന്നീട് അണിയറ പ്രവര്‍ത്തകര്‍ സുപ്രീംകോടതിയെ സമീപിച്ചെങ്കിലും ഫലമുണ്ടായിരുന്നില്ല.
ബോളിവുഡ് താരം വിവേക് ഒബ്‌റോയിയാണ് നരേന്ദ്ര മോദിയായി ചിത്രത്തില്‍ വേഷമിടുന്നത്. ചിത്രത്തിന് രാജ്യമാകമാനം മികച്ച പ്രതികരണം കിട്ടുമെന്ന് അണിയറക്കാര്‍ പ്രതീക്ഷ പ്രകടിപ്പിച്ചു.
