വീണ്ടും മുക്കുത്തി ഒരു ട്രെന്‍ഡായി മാറുകയാണ്. പട്ടുപാവാടയും സെറ്റ്‌സാരിയും അണിയുമ്പോള്‍ മാത്രമാണ് പണ്ടൊക്കെ മുക്കുത്തി ധരിച്ചിരുന്നത്. എന്നാല്‍ ഇന്നാകട്ടെ ഏത് വസ്ത്രത്തിനോടൊപ്പവും മൂക്കുത്തിയാവാം. മറ്റ് ആഭരണങ്ങളൊന്നുമില്ലെങ്കിലും മുക്കുത്തി കുത്തുന്നതോടെ എല്ലാം കുറവുകളും നികത്തപ്പെടും. പണ്ട് വെള്ളക്കല്ലില്‍ പതിച്ച മൂക്കുത്തിയായിരുന്നു സാധാരണയായി കണ്ടിരുന്നത്. എന്നാല്‍ ഇന്ന് അതെല്ലാം മാറിക്കഴിഞ്ഞു.
ജീന്‍സിനും ടോപ്പിനും ഒപ്പം അണിയാന്‍ കഴിയുന്ന മൂക്കുത്തികളാണ് ഇന്നത്തെ ഫാഷന്‍. ചെറിയ കല്ല് വെച്ച റിംഗ് പോലുള്ള മൂക്കുത്തികള്‍ക്കാണ് ഇന്ന് പ്രിയം കൂടുതല്‍.വളയങ്ങളില്‍ തന്നെ വലിയ വളയം ഉള്ള മൂക്കുത്തിയും ഉണ്ട്. ഇത്തരം മൂക്കുത്തികള്‍ക്കും ആവശ്യക്കാര്‍ ഒട്ടും കുറവല്ല. നോര്‍ത്ത് ഇന്ത്യയിലെ നവവധുവിന്റെ മൂക്കുത്തിയാണ് മൂക്കുത്തികളില്‍ വമ്പന്‍. ഇത് സ്വര്‍ണത്തിലും വെള്ളിയിലും ഉണ്ട്.
ഏത് തരം വസ്ത്രങ്ങള്‍ക്കൊപ്പവും അണിയാന്‍ കഴിയുന്ന പ്ലെയിന്‍ മൂക്കുത്തികള്‍ക്കാണ് പ്രിയം.ഡ്രസ്സിന്റെ നിറത്തിനനുസരിച്ച് മൂക്കുത്തികള്‍ മാറി മാറി ഇടാം എന്നതാണ് ഫാന്‍സി ടൈപ്പ് മൂക്കുത്തിയുടെ പ്രത്യേകത. മൂക്ക് തുളയ്ക്കാന്‍ പേടിയുള്ളവര്‍ക്ക് പ്രസ്സിംഗ് ടൈപ്പ് മൂക്കുത്തിയാണ് നല്ലത്.
