സോഷ്യല്‍ മീഡിയ ഗോസിപ്പുകള്‍ എപ്പോഴും വേട്ടയാടുന്ന താരജോഡികളാണ് വിരാട് കോഹ്ലിയും അനുഷ്‌ക ശര്‍മ്മയും. തങ്ങളുടെ ഒരു ഫോട്ടോയ്ക്ക് കൊടുത്ത തലക്കെട്ടിന്റെ പേരിലാണ് ഇപ്പോള്‍ സോഷ്യല്‍ മീഡിയയിലൂടെ ഇവര്‍ ട്രോളുകള്‍ ഏറ്റുവാങ്ങുന്നത്.
ആസ്ട്രേലിയന്‍ ഓപ്പണ്‍ ടെന്നീസ് താരം റോജര്‍ ഫെഡറര്‍, ഇന്ത്യന്‍ ക്രിക്കറ്റ് നായകന്‍ വിരാട് കോഹ്‌ലി, ഭാര്യ അനുഷ്‌ക ശര്‍മ്മ എന്നിവരുടെ ചിത്രം 'മൂന്ന് ഇതിഹാസങ്ങള്‍ ഒരു ഫോട്ടോ' എന്ന തലക്കെട്ടോടെ ട്വിറ്ററില്‍ നല്‍കിയതാണ് ട്രോളുകള്‍ക്ക് കാരണമായത്. ഇരുപത് തവണ ഗ്രാന്റ് സ്ലാം കിരീടം നേടിയ റോജര്‍ ഫെഡററും ഇന്ത്യന്‍ ക്രിക്കറ്റിനു വേണ്ടി ഒട്ടനവധി കിരീടങ്ങള്‍ സമ്മാനിച്ച കോഹ്ലിയും ഇതിഹാസങ്ങളാകുമ്പോള്‍ എങ്ങനെ അനുഷ്‌ക ഇതിഹാസങ്ങളുടെ പട്ടികയില്‍ ഉള്‍പ്പെടുന്നു എന്നാണ് സോഷ്യല്‍ മീഡിയയില്‍ ചോദ്യമുയര്‍ന്നത്.
'അടുത്ത തവണ റോജറെ ഒന്നു കാണണം എനിക്കും ഇതിഹാസമാകണം', 'അനുഷ്‌കയെ ഇതിഹാസമാക്കി നിങ്ങളോട് താരതമ്യപ്പെടുത്തിയതില്‍ ഞങ്ങള്‍ ഖേദിക്കുന്നു'. തുടങ്ങിയ നിരവധി കമന്റുകളാണ് അനുഷ്‌കയെ പരിഹസിച്ച് കൊണ്ട് വരുന്നത്.
