കേന്ദ്ര ടെക്സ്‌റ്റൈല്‍ മന്ത്രാലയത്തിന്റെ നിയന്ത്രണത്തിലുള്ള അപ്പാരല്‍ ട്രെയിനിങ് ആന്‍ഡ് ഡിസൈന്‍ സെന്ററുകളില്‍ (ATDC) ഇപ്പോള്‍ പഠിക്കാം. ഫാഷന്‍, വസ്ത്രനിര്‍മാണമേഖലയില്‍ തൊഴില്‍ സാധ്യതയേറിയ ത്രിവത്സര ബി-വോക് (ബാച്ചിലര്‍ ഇന്‍ വൊക്കേഷണല്‍ എജ്യുക്കേഷന്‍) കോഴ്സുകളാണ് പ്രത്യേകത. ശ്രീപെരുമ്പത്തൂരില്‍ കേന്ദ്രസര്‍ക്കാരിന്റെ നിയന്ത്രണത്തിലുള്ള രാജീവ് ഗാന്ധി നാഷണല്‍ ഇന്‍സ്റ്റിറ്റ്യൂട്ട് ഓഫ് യൂത്ത് െഡവലപ്മെന്റിന്റെ സഹകരണത്തോടെയാണ് കോഴ്സ്. രാജ്യത്തെ 31 കേന്ദ്രങ്ങളില്‍ രണ്ടെണ്ണം കേരളത്തിലാണ്.
കോഴ്സുകള്‍ ഇവ
ബി-വോക് ഇന്‍ അപ്പാരല്‍ മാനുഫാക്ചറിങ് ആന്‍ഡ് ഓണ്‍ട്ര പ്രണര്‍ഷിപ്പ്
ബി-വോക് ഇന്‍ ഫാഷന്‍ ഡിസൈന്‍ ആന്‍ഡ് റീട്ടെയില്‍
യോഗ്യത
പ്ലസ്ടു ജയിച്ചവര്‍ക്ക് അപേക്ഷിക്കാം. വാര്‍ഷികഫീസ് 67,000 രൂപ. ജൂണ്‍ എട്ടുവരെ അപേക്ഷിക്കാം. ജൂണ്‍ 15-ന് നടക്കുന്ന സ്‌ക്രീനിങ് ടെസ്റ്റ്/സ്‌കൈപ്പ് ഇന്റര്‍വ്യൂവഴിയാണ് തിരഞ്ഞെടുപ്പ്. കൗണ്‍സലിങ് ജൂണ്‍ 24-നും 29-നും ഇടയ്ക്കാണ്. അപേക്ഷാഫോറത്തിന് വെബ്സൈറ്റ്: www.atdcindia.co.in, www.rgniyd.gov.in പൂരിപ്പിച്ച അപേക്ഷ എ.ടി.ഡി.സി. സെന്ററുകളിലോ രാജീവ് ഗാന്ധി നാഷണല്‍ ഇന്‍സ്റ്റിറ്റ്യൂട്ട് ഓഫ് യൂത്ത് ഡെവലപ്മെന്റ് ഓഫീസിലോ നല്‍കണം. അപേക്ഷാഫീസായ 200 രൂപ RGNIYD ACADEMIC എന്ന പേരില്‍ ശ്രീപെരുമ്പത്തൂരില്‍ മാറ്റാവുന്ന ഡ്രാഫ്റ്റായി വെക്കണം. അല്ലെങ്കില്‍ ഓണ്‍ലൈനായി അടയ്ക്കണം.
