ദുബായ്: ദുബായില്‍ ഭാഗ്യദേവത കടാക്ഷിച്ചവരുടെ പട്ടികയിലേക്ക് ഒരു മലയാളി കൂടി. ഇത്തവണ 10 മില്യണ്‍ ദിര്‍ഹത്തിന്റെ (18,22,25,000 രൂപ) ലോട്ടറിയാണ് മലയാളിയായ ഡിക്‌സണ്‍ കാട്ടിച്ചിറ എബ്രഹാമിന് അടിച്ചത്.
നൈജീരിയയില്‍ താമസിക്കുന്ന ഡിക്‌സണെ അബൂദാബി ബിഗ് ടിക്കറ്റിന്റെ ഭാഗമായി നടന്ന നറുക്കെടുപ്പിലാണ് ഭാഗ്യദേവത കടാക്ഷിച്ചത്. ഇദ്ദേഹത്തെ കൂടാതെ മറ്റ് അഞ്ച് ഇന്ത്യക്കാര്‍ കൂടി സമ്മാനാര്‍ഹരായി. മൂന്ന് പാകിസ്ഥാനികള്‍ക്കും സമ്മാനം ലഭിച്ചു. ലോട്ടറിയടിച്ചവരില്‍ ഒരാള്‍ യു.എ.ഇ സ്വദേശിയാണ്.
