തിരുവനന്തപുരം, വർക്കലയിൽ റിസോർട്ടിലുള്ള ഇറ്റാലിയൻ പൗരന് കൊറോണ സ്ഥിരീകരിച്ചു

299 0

കോവിഡ് 19: കേൾവി പരിമിതർക്കായി ആംഗ്യ ഭാഷയിൽ വീഡിയോയുമായി സർക്കാർ
*സമൂഹമാധ്യമങ്ങളിലൂടെ പ്രചരിപ്പിക്കും
*മുഖ്യമന്ത്രിയുടെ ഫേസ്ബുക്ക് പേജിലും

കോവിഡ് 19 രോഗ വ്യാപനത്തിന്റെ പശ്ചാത്തലത്തിൽ കേൾവി പരിമിതിയുള്ളവർക്കായിആംഗ്യ ഭാഷയിലുള്ള വീഡിയോ സംസ്ഥാന സർക്കാർ പുറത്തിറക്കി. കേൾവി പരിമിതിയുള്ളവർക്ക് കോവിഡ് 19 സംബന്ധിച്ച വിവരങ്ങളും അറിയിപ്പുകളും കൃത്യമായി ലഭ്യമാക്കുക എന്ന ഉദ്ദേശ്യത്തോടെയാണ് ഇൻഫർമേഷൻ പബ്‌ളിക് റിലേഷൻസ് വകുപ്പ് വീഡിയോ തയ്യാറാക്കിയത്. നാലു വീഡിയോകളാണ് നിർമിച്ചത്.
കോവിഡ് 19 രോഗത്തിനെക്കുറിച്ചുള്ള പൊതുവിവരങ്ങൾ, വിദേശത്തു നിന്നെത്തുന്നവർ പാലിക്കേണ്ട മാർഗനിർദ്ദേശങ്ങൾ, ജനങ്ങൾ സ്വീകരിക്കേണ്ട മുൻകരുതലുകൾ തുടങ്ങിയ വിവരങ്ങൾ ഉൾപ്പെടുത്തിയാണ് വീഡിയോകൾ പുറത്തിറക്കിയത്. കോവിഡ് 19നെക്കുറിച്ച് നിരവധി വ്യാജവാർത്തകൾ പ്രചരിക്കുന്ന സാഹചര്യം കൂടി പരിഗണിച്ചാണ് കേൾവി പരിമിതർക്കായി വീഡിയോകൾ നിർമിക്കാൻ തീരുമാനിച്ചത്. ഇവർക്കിടയിൽ വ്യാജ സന്ദേശം എത്തുന്നത് സംബന്ധിച്ച് വാർത്തകളുമുണ്ടായിരുന്നു.വ്യാജപ്രചരണങ്ങൾക്കെതിരായ അറിയിപ്പും വീഡിയോയിലുണ്ട്. ആംഗ്യ ഭാഷയ്‌ക്കൊപ്പം ശബ്ദവിവരണവും സ്‌ക്രോളും വീഡിയോകളിൽ ഉൾപ്പെടുത്തിയിട്ടുണ്ട്. കോവിഡ് 19 വിവരങ്ങൾക്കായുള്ള കോൾ സെന്റർ, കൺട്രോൾ റൂം നമ്പരുകളും ഉൾപ്പെടുത്തിയിട്ടുണ്ട്.
ആംഗ്യഭാഷ പരിഭാഷകൻ വിനയചന്ദ്രന്റെ സഹായത്തോടെയാണ് വീഡിയോ തയ്യാറാക്കിയത്. ശരിയായ രീതിയിൽ മാസ്‌ക് ഉപയോഗിക്കുന്നതെങ്ങനെ, കോവിഡ് ബാധിത രാജ്യങ്ങളിൽ നിന്നെത്തിയവർ ശ്രദ്ധിക്കേണ്ടതെന്തെല്ലാം, രോഗബാധിച്ചതായി സംശയമുണ്ടായാൽ സ്വീകരിക്കേണ്ട മാർഗങ്ങൾ, രോഗലക്ഷണങ്ങൾ, ചികിത്‌സ എന്നീ വിവരങ്ങൾ വിശദമായി വീഡിയോയിൽ ഉൾപ്പെടുത്തിയിട്ടുണ്ട്.
സമൂഹ മാധ്യമങ്ങളിലൂടെ വീഡിയോകൾ പ്രചരിപ്പിക്കും. മുഖ്യമന്ത്രിയുടെ ഫേസ്ബുക്ക് പേജിൽ വീഡിയോ നൽകിയിട്ടുണ്ട്. പി. ആർ. ഡി വെബ്‌സൈറ്റ്, കേരള ഇൻഫർമേഷൻ ഫേസ്ബുക്ക് പേജ്, കേരള സർക്കാരിന്റെ ന്യൂസ് പോർട്ടൽ, യുട്യൂബ് ചാനൽ, ജില്ലാ ഇൻഫർമേഷൻ ഓഫീസുകളുടെ ഫേസ്ബുക്ക് പേജുകൾ എന്നിവയിലൂടെയും വീഡിയോ പരമാവധിപേരിലെത്തിക്കും. ആൾ കേരള അസോസിയേഷൻ ഓഫ് ഡെഫ് തുടങ്ങിയ സംഘടനകളും വീഡിയോ ഷെയർ ചെയ്യുന്നുണ്ട്.

Related Post

കെ.ആർ. പ്രേംകുമാർ  കൊച്ചിയുടെ പുതിയ ഡെപ്യൂട്ടി മേയർ

Posted by - Nov 14, 2019, 09:55 am IST 0
കൊച്ചി: കെ.ആർ. പ്രേംകുമാർ  കൊച്ചിയുടെ പുതിയ ഡെപ്യൂട്ടി മേയർ. വിവാദങ്ങൾക്കിടയിലും  കൊച്ചി കോർപ്പറേഷനിൽ മേയര്‍ സ്ഥാനം നിലനിർത്താൻ യുഡിഎഫിന് സാധിച്ചു. അതേസമയം രണ്ട് ബിജെപി അംഗങ്ങള്‍ തെരഞ്ഞെടുപ്പില്‍…

ഇരുചക്രവാഹനങ്ങളില്‍ പിന്‍സീറ്റ് യാത്രക്കാര്‍ക്കും ഹെല്‍മറ്റ് നിര്‍ബന്ധമാക്കി  

Posted by - Nov 19, 2019, 03:38 pm IST 0
കൊച്ചി: ഇരുചക്ര വാഹനങ്ങളില്‍ പിന്‍സീറ്റില്‍ യാത്രചെയ്യുന്നവരും ഹെല്‍മറ്റ് ധരിക്കണമെന്ന് ഹൈക്കോടതി ഉത്തരവ് . നാല് വയസ്സിന് മുകളിലുള്ള എല്ലാവര്‍ക്കും ഹെല്‍മറ്റ് നിര്‍ബന്ധമാക്കിക്കൊണ്ടുള്ള കേന്ദ്ര നിയമം കേരളത്തിലും നടപ്പിലാക്കണ…

വാവ സുരേഷിന്റെ ജീവന്‍ രക്ഷിക്കാന്‍ സാധ്യമായതെല്ലാം ചെയ്യുമെന്ന് വി വി രാജേഷ് 

Posted by - Feb 18, 2020, 01:48 pm IST 0
തിരുവനന്തപുരം: വാവ സുരേഷിന്റെ ജീവന്‍ രക്ഷിക്കാന്‍ സാധ്യമായതെല്ലാം ചെയ്യുമെന്ന് ബിജെപി നേതാവ് വി.വി രാജേഷ് വ്യക്തമാക്കി. വാവ സുരേഷ് സമൂഹത്തിന്റെ സ്വത്താണെന്നും വിദഗ്ധ ചികിത്സ നല്‍കുന്നതിനെക്കുറിച്ച് കേന്ദ്ര…

നടിയെ ആക്രമിച്ച കേസ്: വിചാരണ കാലാവധി ആറ് മാസം കൂടി നീട്ടി; ഇനി നീട്ടലില്ലെന്ന് സുപ്രീംകോടതി  

Posted by - Mar 1, 2021, 06:29 pm IST 0
ഡല്‍ഹി: നടിയെ ആക്രമിച്ച കേസിന്റെ വിചാരണ പൂര്‍ത്തിയാക്കാന്‍ ആറുമാസം കൂടി സമയം നീട്ടി നല്‍കി സുപ്രീംകോടതി. വിചാരണ കോടതി ജഡ്ജിയുടെ ആവശ്യം പരിഗണിച്ചാണ് കോടതി നടപടി. ഇതില്‍…

യൂണിവേഴ്‌സിറ്റി കോളേജില്‍ വിദ്യാര്‍ത്ഥിനിയുടെ ആത്മഹത്യാശ്രമം: ഗവര്‍ണര്‍ വൈസ് ചാന്‍സലറോട് റിപ്പോര്‍ട്ട് ആവശ്യപ്പെട്ടു  

Posted by - May 7, 2019, 07:36 pm IST 0
തിരുവനന്തപുരം: യൂണിവേഴ്‌സിറ്റി കോളേജില്‍ വിദ്യാര്‍ത്ഥിനി ആത്മഹത്യ ചെയ്യാന്‍ ശ്രമിച്ച സംഭവത്തില്‍ ചാന്‍സലര്‍ കൂടിയായ ഗവര്‍ണര്‍ പി സദാശിവം വൈസ് ചാന്‍സലര്‍ വി പി മഹാദേവന്‍ പിള്ളയോട് റിപ്പോര്‍ട്ട്…

Leave a comment