ശ്രീനഗര്: ജമ്മു കശ്മീരിലെ ഷോപ്യന് ജില്ലയില് സിആര്പിഎഫുമായുണ്ടായ ഏറ്റുമുട്ടലില് മൂന്ന് ഭീകരര് കൊല്ലപ്പെട്ടു. ഷോപ്യനിലെ കെല്ലാറില് ഇന്ന് രാവിലെയാണ് സിആര്പിഎഫും തീവ്രവാദികളും തമ്മില് ഏറ്റുമുട്ടിയത്. മരിച്ച ഭീകരരെ തിരിച്ചറിഞ്ഞിട്ടില്ല. ഇവരിൽ നിന്നും ആയുധങ്ങൾ പിടിച്ചെടുത്തിട്ടുണ്ട്.
ഒരാഴ്ചയ്ക്കിടെ ഇത് രണ്ടാം തവണയാണ് പ്രദേശത്ത് ഭീകരരും സേനയും തമ്മില് ഏറ്റുമുട്ടുന്നത്. ഇമാംസാഹിബില് വെള്ളിയാഴ്ചയുണ്ടായ വെടിവെപ്പില് ഒരു ഭീകരന് കൊല്ലപ്പെട്ടിരുന്നു.
