ശ്രീനഗര്: ഈദ് പ്രാര്ത്ഥനയ്ക്ക് പിന്നാലെ ജമ്മുകാശ്മീരില് പൊട്ടിപ്പുറപ്പെട്ട് സംഘര്ഷത്തില് ഇരുപതുകാരന് കൊല്ലപ്പെട്ടു. കഴിഞ്ഞ ദിവസം സൈന്യത്തിന്റെ വെടിവയ്പില് കൗമാരക്കാരന് കൊല്ലപ്പെട്ടതില് പ്രതിഷേധിച്ചായിരുന്നു ജനം തെരുവിലിറങ്ങിയത്. സൈന്യത്തിനും നേരെ കല്ലേറുണ്ടായതോടെയാണ് പൊലീസ് കണ്ണീര് വാതകവും പെല്ലറ്റ് തോക്കുകളും ഉപയോഗിച്ചത്.
അനന്തനാഗിലുണ്ടായ സംഘര്ഷത്തിലാണ് യുവാവ് കൊല്ലപ്പെട്ടത്. പത്തോളം പേര്ക്ക് സംഘര്ഷത്തില് പരിക്കേറ്റിട്ടുണ്ട്. പ്രക്ഷോഭകരെ പിരിച്ചുവിടാന് പൊലീസ് കണ്ണീര് വാതകവും പെല്ലറ്റ് തോക്കുകളും ഉപയോഗിച്ചു. അനന്ത്നാഗില് കൂടാതെ ഷോപ്പിയാനിലും സൈന്യത്തിന് നേരെ കല്ലേറുണ്ടായി.
