ന്യൂഡല്‍ഹി: റേപ്പ് ഇന്‍ ഇന്ത്യ പരാമര്‍ശത്തില്‍ താൻ മാപ്പ് പറയില്ലെന്ന് ആവര്‍ത്തിച്ച് കോണ്‍ഗ്രസ് നേതാവ് രാഹുല്‍ ഗാന്ധി. മാപ്പ് പറയാന്‍ തന്റെ പേര് രാഹുല്‍ സവര്‍ക്കര്‍ എന്നല്ല രാഹുല്‍ ഗാന്ധിയെന്നാണ് എന്നും അദ്ദേഹം പറഞ്ഞു. രാംലീല മൈതാനത്ത് കോണ്‍ഗ്രസ് സംഘടിപ്പിക്കുന്ന ഭാരത് ബച്ചാവോ മഹാറാലിയില്‍ സംസാരിക്കുമ്പോളായിരുന്നു രാഹുല്‍ഗാന്ധിയുടെ പരാമര്‍ശം.
പ്രധാനമന്ത്രിയ്ക്കും ബിജെപി സര്‍ക്കാരിനുമെതിരെ രൂക്ഷമായ വിമര്‍ശനങ്ങളാണ് രാഹുല്‍ ഉന്നയിച്ചത്. നോട്ട് നിരോധനത്തിലൂടെ പ്രധാനമന്ത്രി നരേന്ദ്രമോദി രാജ്യത്തിന്റെ സമ്പദ് വ്യവസ്ഥ തകര്‍ത്തുവെന്ന് രാഹുല്‍ പറഞ്ഞു. 500, 1000 നോട്ടുകള്‍ നിരോധിക്കുന്നത് കള്ളപ്പണം ഇല്ലാതാക്കുന്നതിനാണ് എന്ന് പറഞ്ഞ് മോദിജി നിങ്ങളെ വിഡ്ഢികളാക്കി.
