റോഡ് അപകടത്തില്‍പ്പെട്ട് ഒരു കുടുംബത്തിലെ നാലു പേര്‍ മരിച്ചു. ഒരാള്‍‌ക്ക് ഗുരുതര പരിക്കേല്‍ക്കുകയും ചെയ്തു. കുടുംബം സഞ്ചരിച്ച കാറിന്‍റെ ട‍യര്‍ പൊട്ടിയതിനെ തുടര്‍ന്ന് നിയന്ത്രണം നഷ്ടപ്പെട്ട് ഡിവൈഡറില്‍ ഇടിച്ചുകയറുകയായിരുന്നു.
വെള്ളിയാഴ്ച രാവിലെ പശ്ചിമ ബംഗാളിലെ വടക്കന്‍ ദിനാജ്പുരിലെ ദേശീയ പാത-31 ല്‍ ചകുലിയയിലായിരുന്നു അപകടം. മുഹമ്മദ് സലിം (26), വാസിം ഖാന്‍ (16), നസ്രാന ഖടൂണ്‍ (19), ഫര്‍സാന ഖടൂണ്‍ (12) എന്നിവരാണ് മരിച്ചത്. മുഹമ്മദ് സലിം ആണ് കാര്‍ ഓടിച്ചിരുന്നത്. ഇവരുടെ അമ്മ ബാനു ബീബി ഗുരുതരപരിക്കേറ്റ് ചികിത്സയിലാണ്.
