കൊല്ലം : നാട്ടിലേയ്ക്ക് വരാന്‍ വിമാനത്താവളത്തില്‍ എത്തിയ മലയാളി ഹൃദയാഘാതം മൂലം മരിച്ചു. കൊല്ലം കാവനാട് കുരീപ്പുഴ മണലില്‍ നഗറില്‍ അജയ്കുമാര്‍(51) ആണ് മരിച്ചത്.
ഒന്നര വര്‍ഷത്തിനു ശേഷം നാട്ടിലേയ്ക്കു പോകുന്നതിനിടയിലാണ് ചൊവ്വാഴ്ച രാത്രിയില്‍ വിമാനത്താവളത്തില്‍ എത്തി ചെക്ക് ഇന്‍ ചെയ്യുന്നതിനിടെ ഹൃദയാഘാതം അനുഭവപ്പെട്ടത്. തുടര്‍ന്ന് ഇയാളെ ആശുപത്രിയില്‍ പ്രവേശിപ്പിച്ചുവെങ്കിലും അജയ്കുമാര്‍ വ്യാഴാഴ്ച വൈകിട്ടോടെ മരണത്തിനു കീഴടങ്ങുകയായിരുന്നു. സുഹാര്‍ ഫലജില്‍ നിര്‍മ്മാണ കമ്പനിയില്‍ ജോലിക്കാരനായിരുന്നു അജയകുമാര്‍. ഭാര്യ സരള രണ്ട് പെണ്‍മക്കളാണ്.
