ന്യൂഡല്‍ഹി: മുൻ മുഖ്യ തെരഞ്ഞെടുപ്പ് കമ്മിഷണര്‍ ടി.എന്‍ ശേഷന്‍ (87) അന്തരിച്ചു. ഞായറാഴ്ച രാത്രി ഒമ്പതരയോടെ ചെന്നൈയിലായിരുന്നു അന്ത്യം. രാജ്യം കണ്ടിട്ടുള്ള ഏറ്റവും മികച്ച തെരഞ്ഞെടുപ്പ് കമ്മിഷണറായിരുന്നു അദ്ദേഹം.
1933 മേയ് 15ന് പാലക്കാട് തിരുനെല്ലായി ഗ്രാമത്തിലായിരുന്നു ജനനം. 1955 ബാച്ച് തമിഴ്‌നാട് കേഡര്‍ ഐ.എ.എസ്. ഓഫീസറാണ്. ചന്ദ്രശേഖര്‍ സര്‍ക്കാരിന്റെ കാലത്ത് 1990 ഡിസംബര്‍ 12നാണ് അദ്ദേഹം മുഖ്യ തെരഞ്ഞെടുപ്പു കമ്മിഷണറായത്. ഭരണഘടനയില്‍ പറഞ്ഞിരിക്കുന്ന തെരഞ്ഞെടുപ്പ് കമ്മിഷന്‍ എന്തെന്ന് അദ്ദേഹത്തിന്റെ പ്രവര്‍ത്തനങ്ങളിലൂടെ ജനം അറിയുകയായിരുന്നു.
