ഡല്‍ഹി: യുവതിയുടെ മൃതദേഹം വെട്ടിനുറുക്കിയ നിലയില്‍ കണ്ടെത്തി. ഹാജി കോളനിയിലാണ് ബാഗില്‍ വെട്ടിനുറുക്കിയ നിലയില്‍ യുവതിയുടെ മൃതദേഹം കണ്ടെത്തിയത്. കോളനിയിലെ ആളൊഴിഞ്ഞ സ്ഥലത്ത് അസാധാരണമായ രീതിയില്‍ രണ്ടു ബാഗുകള്‍ എന്ന് കഴിഞ്ഞ ദിവസം രാവിലെ 8മണിക്ക് അറിയിപ്പ് കിട്ടിയതോടെ പോലീസ് വന്ന് പരിശോധന നടത്തിയപ്പോഴാണ് മൃതദേഹം കണ്ടെത്തിയത്.
മൃതദേഹം ആരുടേതെന്ന് വ്യക്തമായിട്ടില്ല. പ്രതികളെക്കുറിച്ചും സൂചനകളില്ല. മോര്‍ച്ചറിയിലേയ്ക്ക് മൃതദേഹം മാറ്റി. വെട്ടിനുറുക്കി പല കഷ്ണങ്ങളാക്കിയ മൃതദേഹം ഒരു ബാഗില്‍ കുത്തിനിറച്ചിരിക്കുകയായിരുന്നു. സംഭവത്തില്‍ പോലീസ് അന്വേഷണം ആരംഭിച്ചു.
