ന്യൂഡല്‍ഹി: ഇന്ന് നടക്കാനിരിക്കുന്ന പ്രധാനമന്ത്രി നരേന്ദ്ര-മോദിയുടെ സത്യപ്രതിജ്ഞാചടങ്ങില്‍ കോണ്‍ഗ്രസ് മുന്‍അധ്യക്ഷ സോണിയാ ഗാന്ധിപങ്കെടുക്കും. കോണ്‍ഗ്രസ്അധ്യക്ഷന്‍ രാഹുല്‍ ഗാന്ധിപങ്കെടുക്കുമോ എന്ന് വ്യക്തമല്ല. അതേസമയം ബംഗാള്‍മുഖ്യമന്ത്രി മമത ബാനര്‍ജിയുംകേരള മുഖ്യമന്ത്രി പിണറായിവിജയനും ചടങ്ങില്‍ പങ്കെടുക്കില്ല.സത്യപ്രതിജ്ഞാ ചടങ്ങിന്പാകിസ്ഥാന്‍ ഒഴികെയുള്ളഅയല്‍ രാജ്യങ്ങളിലെ നേതാക്കളെ ക്ഷണിച്ചിട്ടുണ്ട്.
2014-ലേതിനെക്കാള്‍ വിപുലമായസത്യപ്രതിജ്ഞാ ചടങ്ങാവുംഇത്തവണ നടക്കുക. സത്യപ്രതിജ്ഞാ ചടങ്ങിലേക്ക് ബിംസ്റ്റെക് കൂട്ടായ്മയിലെ രാഷ്ട്രത്തലവന്‍മാര്‍ക്ക് ക്ഷണമുണ്ട്.ബംഗ്ലാദേശ്,മ്യാന്‍മര്‍, ശ്രീലങ്ക,തായ്‌ലന്‍ഡ്, നേപ്പാള്‍, ഭൂട്ടാന്‍എന്നീ രാജ്യങ്ങളുടെ തലവന്‍മാരെയാണ് ചടങ്ങിലേക്ക് ക്ഷണിച്ചിരിക്കുന്നത്.അമിത് ഷാ മന്ത്രിയാകുമെന്നഅഭ്യൂഹങ്ങളോട് ബി.ജെ.പി ഇതുവരെ പ്രതികരിച്ചിട്ടില്ല.കേരളത്തില്‍ നിന്ന് കുമ്മനംരാജശേഖരന്‍, വി. മുരളീധരന്‍,അല്‍ഫോണ്‍സ് കണ്ണന്താനംഎന്നിവരുടെ പേരുകളാണ്ചര്‍ച്ചയിലുള്ളത്.
അതേ സമയം മോദി സര്‍ക്കാരിന്റെ രണ്ടാം ഊഴത്തില്‍കേരളത്തെ അറിഞ്ഞു പരിഗണിക്കുമെന്നാണ് പ്രതീക്ഷയെന്ന്ബി.ജെ.പി സംസ്ഥാന അധ്യക്ഷന്‍ അഡ്വക്കേറ്റ് ശ്രീധരന്‍ പിള്ള. കഴിഞ്ഞ തവണത്തെക്കാള്‍62 ശതമാനം വോട്ടാണ് ഈലോകസഭ തിരഞ്ഞെടുപ്പില്‍വര്‍ദ്ധിച്ചതെന്ന് പറഞ്ഞ ശ്രീധരന്‍ പിള്ള കേന്ദ്ര നേതൃത്വംഇത് മനസിലാക്കുമെന്ന് പ്രതീക്ഷ പ്രകടിപ്പിച്ചു.വോട്ട് വര്‍ദ്ധന കണക്കിലെടുത്ത് വേണ്ട പ്രാതിനിധ്യം കേരളത്തിന് കേന്ദ്ര മന്ത്രിസഭയില്‍നല്‍കുമെന്ന് ശ്രീധരന്‍പിള്ളപ്രത്യാശ പ്രകടിപ്പിച്ചു. മോദിയെകേരളത്തിലെ ഭൂരിഭാഗംജനങ്ങളും വൈകാതെ സ്വീകരിക്കുമെന്നും ശ്രീധരന്‍ പിള്ളപറഞ്ഞു.നിയമസഭാ തിരഞ്ഞെടുപ്പിന് മുമ്പ് ബി.ജെ.പി സംസ്ഥാനനേതൃമാറ്റം സ്വപ്‌നം കാണുന്നവരുടെ ആശ പൂവണിയാന്‍ പോകുന്നില്ലെന്നും ശ്രീധരന്‍ പിള്ളകൂട്ടിച്ചേര്‍ത്തു.
