പഞ്ചാബ് : സര്‍ക്കാരിന്റെയുള്‍പ്പെടെ അഞ്ഞൂറോളം വെബ്‌സൈറ്റുകള്‍ ഹാക്ക് ചെയത വിദ്യാര്‍ത്ഥികള്‍ അറസ്റ്റിൽ. പഞ്ചാബിലെ രാജ്പുരയില്‍ സിഎസ്ഇ വിദ്യാര്‍ഥിയായ ഷാഹിദ് മല്ല, ജലന്ധറില്‍ ബിസിഎ അവസാന വര്‍ഷ വിദ്യാര്‍ഥിയായ ആദില്‍ ഹുസൈന്‍ എന്നിവരാണ് വെബ്‌സൈറ്റ് ഹാക്ക് ചെയ്ത സംഭവത്തില്‍ അറസ്റ്റിലായത്.
ദേശവിരുദ്ധ ഹാക്കിംഗ് സംഘമായ ടീം ഹാക്കേഴ്‌സ് തേര്‍ഡ് ഐ എന്ന സംഘത്തിലെ അംഗങ്ങളാണ് വെബ്‌സൈറ്റ് ഹാക്ക് ചെയ്ത രണ്ട് വിദ്യാര്‍ത്ഥികള്‍. സംഭവത്തില്‍ കൂടുതല്‍ ആളുകള്‍ ഉള്‍പ്പെട്ടിട്ടുണ്ടോ എന്ന് അന്വേഷണത്തിലാണ് പോലീസുകാര്‍. കശ്മീരിലെ ബാരാമുള്ള, അന്ദ്‌നാഗ് ജില്ലക്കാരാണ്. ഡല്‍ഹി പോലീസിന്റെ സൈബര്‍ വിഭാഗം ഇവര്‍ താമസിച്ചിരുന്ന വാടക വീട്ടില്‍ റെയ്ഡ് നടത്തിയാണ് ഇരുവരേയും പിടികൂടിയത്.
