കര്‍ണാടകയില്‍ 11 കോണ്‍ഗ്രസ് എംഎല്‍എമാര്‍ രാജിവച്ചു; സഖ്യസര്‍ക്കാര്‍ വീണേക്കും; സര്‍ക്കാര്‍ രൂപീകരിക്കാന്‍ ബിജെപി  

263 0

ബംഗളുരു: കര്‍ണാടകയില്‍ കോണ്‍ഗ്രസ്-ജെ.ഡി.എസ് സഖ്യത്തിലെ 11 എം.എല്‍.എമാര്‍ രാജിവച്ചു. ഇതോടെ ഒരു വര്‍ഷം ആടിയുലഞ്ഞ് നീങ്ങിയ സഖ്യ സര്‍ക്കാര്‍ ഒടുവില്‍ വീഴുമെന്ന് ഉറപ്പായി. കോണ്‍ഗ്രസ്-ജെ.ഡി.എസ് സര്‍ക്കാര്‍ അധികാരത്തില്‍ വന്നത് മുതല്‍ ബി.ജെ.പി അട്ടിമറി നീക്കങ്ങളും തുടങ്ങിയിരുന്നു. അതിനിടെ വിമത എം.എല്‍.എമാര്‍ കൂട്ടത്തോടെ രാജിവച്ച് ബി.ജെ.പിക്ക് വഴിയൊരുക്കിയിരിക്കുകയാണ്.

എ.എച്ച് വിശ്വനാഥ്, രമേഷ് ജാര്‍കിഹോളി, സോമശേഖര്‍, പ്രതാപ് ഗൗഡ പാട്ടീല്‍, ഗോപാലിയ, ബി.സി പാട്ടീല്‍, മഷേഹ് കുമത്തഹള്ളി, നാരായണ ഗൗഡ, ബ്യാര്‍തി ബസവരാജ്, ശിവറാം ഹെബ്ബാര്‍, രാമലിംഗ റെഡ്ഡി എന്നിവരാണ് രാജിവച്ചത്. നിയമസഭാ സ്പീക്കര്‍ രമേഷ് കുമാറിന്റെ ഓഫീസിലാണ് എം.എല്‍.എമാര്‍ രാജിക്കത്ത് കൈമാറിയത്. സ്പീക്കര്‍ തന്റെ ഓഫീസിലുണ്ടായിരുന്നില്ല. തന്റെ മകളെ കൂട്ടിക്കൊണ്ടുവരാന്‍ പോയിരുന്നുവെന്നാണ് സ്പീക്കറുടെ വാദം. തിങ്കളാഴ്ച എം.എല്‍.എമാരുടെ രാജിക്കത്ത് പരിശോധിക്കുമെന്ന് സ്പീക്കര്‍ അറിയിച്ചു.

എം.എല്‍.എമാരുടെ രാജി സ്വീകരിക്കുന്നതോടെ കര്‍ണാടക നിയമസഭയില്‍ കോണ്‍ഗ്രസ്-ജെ.ഡി.എസ് സഖ്യത്തിന്റെ അംഗസഖ്യ 105 ആയി ചുരുങ്ങും. 116 എം.എല്‍.എമാരുടെ പിന്തുണയാണ് കര്‍ണാടകയില്‍ സര്‍ക്കാര്‍ രൂപീകരിക്കാന്‍ ആവശ്യമായത്. എം.എല്‍.എമാരുടെ രാജിക്ക് ന്യായീകരണമില്ലെന്ന് മന്ത്രി ഡി.കെ ശിവകുമാര്‍ പറഞ്ഞു. നിസാര കാര്യങ്ങള്‍ പറഞ്ഞാണ് എം.എല്‍.എമാര്‍ രാജിവച്ചിരിക്കുന്നത്. ഇത് രാജിവയ്ക്കാനുള്ള ന്യായീകരണമല്ലെന്നും എം.എല്‍.എമാരുടെ നിലപാടില്‍ ഞെട്ടിയിരിക്കുകയാമെന്നും ശിവകുമാര്‍ പറഞ്ഞു.

അതിനിടെ കര്‍ണാടകയില്‍ സര്‍ക്കാര്‍ രൂപീകരിക്കാന്‍ ബി.ജെ.പി ശ്രമം തുടങ്ങി. സര്‍ക്കാര്‍ രൂപീകരിക്കാന്‍ തയ്യാറാണെന്ന് കര്‍ണാടക മുന്‍ മുഖ്യമന്ത്രിയും ബി.ജെ.പി നേതാവുമായ ബി.എസ് യെദ്യൂരപ്പ പറഞ്ഞു. കര്‍ണാടക തെരഞ്ഞെടുപ്പിന് ശേഷം നടത്തിയ നീക്കങ്ങള്‍ തിരിച്ചടിയായ പശ്ചാത്തലത്തില്‍ ഗവര്‍ണര്‍ ക്ഷണിച്ചാല്‍ സര്‍ക്കാരുണ്ടാക്കാന്‍ തയ്യാറാണെന്നാണ് യെദ്യുരപ്പയുടെ പ്രതികരണം. സര്‍ക്കാര്‍ രൂപീകരിക്കാനുള്ള ഭൂരിപക്ഷം ബി.ജെ.പിക്കുണ്ടെന്ന് കേന്ദ്രമന്ത്രി സദാനന്ദ ഗൗഡ അവകാശപ്പെട്ടു. ബി.ജെ.പി സര്‍ക്കാര്‍ രൂപീകരിച്ചാല്‍ യെദ്യുരപ്പ തന്നെ മുഖ്യമന്ത്രിയാകുമെന്നും ഗൗഡ പറഞ്ഞു.

മുഖ്യമന്ത്രി എച്ച് ഡി കുമാരസ്വാമിയും പിസിസി പ്രസിഡന്റ് ദിനേഷ് ഗുണ്ടുറാവുവും വിദേശപര്യടനത്തിന് പോയ സമയത്താണ് എംഎല്‍എമാരുടെ രാജി. സിദ്ധരാമയ്യയെ മുഖ്യമന്ത്രിയാക്കാമെങ്കില്‍ രാജി പിന്‍വലിക്കാമെന്നാണ് ഡി കെ ശിവകുമാറുമായി ചര്‍ച്ച നടത്തിയ മൂന്ന് കോണ്‍ഗ്രസ് എംഎല്‍എമാര്‍ വ്യക്തമാക്കിയത്. കോണ്‍ഗ്രസ് എംഎല്‍എമാരെ വിശ്വാസത്തിലെടുക്കാന്‍ ജെഡിഎസ് നേതാവ് കൂടിയായ എച്ച് ഡി കുമാരസ്വാമിക്ക് കഴിഞ്ഞില്ലെന്നാണ് എംഎല്‍എമാരുടെ ആരോപണം. ഇപ്പോള്‍ നടക്കുന്ന ഈ നാടകീയ സംഭവങ്ങള്‍ക്ക് പിന്നില്‍ ബിജെപിയെക്കൂടാതെ മുഖ്യമന്ത്രിപദത്തില്‍ കണ്ണുള്ള സിദ്ധരാമയ്യക്കും പങ്കുണ്ടോ എന്ന് കോണ്‍ഗ്രസ് നേതൃത്വം സംശയിക്കുന്നുണ്ട്.

Related Post

ബി.ജെ.പി തെരഞ്ഞെടുപ്പ് പ്രചാരണത്തിന് ആക്കം കൂട്ടാന്‍ ബി.ബി.സിയുടെ പേരില്‍ വ്യാജ സര്‍വ്വെ റിപ്പോര്‍ട്ട്

Posted by - May 8, 2018, 01:09 pm IST 0
മംഗളൂരു: കര്‍ണാടകയില്‍ ബി.ജെ.പി തെരഞ്ഞെടുപ്പ് പ്രചാരണത്തിന് ആക്കം കൂട്ടാന്‍ ബി.ബി.സിയുടെ പേരില്‍ വ്യാജ സര്‍വ്വെ റിപ്പോര്‍ട്ട്. ബി.ജെ.പി 135, കോണ്‍ഗ്രസ് 35, ജെ.ഡി.എസ് 45 എന്നിങ്ങിനെ സീറ്റുകള്‍…

ഡി.വൈ.എഫ്​.​ഐ പ്രവര്‍ത്തകര്‍ക്ക്​ വെട്ടേറ്റു

Posted by - May 14, 2018, 08:19 am IST 0
കോട്ടയം: കോട്ടയത്ത്​ പൊന്‍കുന്നം ചിറക്കടവില്‍ ഡി.വൈ.എഫ്​.​ഐ പ്രവര്‍ത്തകര്‍ക്ക് വേട്ടേറ്റു. വിഷ്ണു രാജ്, രഞ്ജിത്ത്, സാജന്‍ എന്നിവര്‍ക്കാണ് വെട്ടേറ്റത്. ഞായറാഴ്​ച രാത്രിയാണ്​ സംഭവം.  രാത്രിയില്‍ വിഷ്ണുവി​​ന്റെ ഭാര്യവീട്ടിലേക്ക് കാറില്‍…

പ്രവര്‍ത്തകസമിതി യോഗത്തിലും രാജിസന്നദ്ധത അറിയിച്ച് രാഹുല്‍; തടഞ്ഞ് മന്‍മോഹന്‍ സിംഗും പ്രിയങ്കയും  

Posted by - May 25, 2019, 04:50 pm IST 0
ന്യൂഡല്‍ഹി: പരാജയം ചര്‍ച്ച ചെയ്യാന്‍ ചേര്‍ന്ന എഐസിസി പ്രവര്‍ത്തക സമിതി യോഗത്തില്‍ കോണ്‍ഗ്രസ് അധ്യക്ഷ പദവി രാജിവയ്ക്കാന്‍ തയാറാണെന്ന് അറിയിച്ച് രാഹുല്‍ ഗാന്ധി. എന്നാല്‍ രാഹുല്‍ രാജി…

അഭിമന്യുവിന്റെ കൊലപാതകം: കൂടുതല്‍ പ്രതികള്‍ അറസ്റ്റില്‍

Posted by - Jul 6, 2018, 10:35 am IST 0
കൊച്ചി: മഹാരാജാസ് കോളേജ് വിദ്യാര്‍ഥി അഭിമന്യുവിന്റെ കൊലപാതകത്തില്‍ കൂടുതല്‍ പ്രതികള്‍ അറസ്റ്റില്‍. സംഭവത്തില്‍ നേരിട്ട് പങ്കുള്ളവരും പ്രതികളെ സഹായിച്ചവരുമാണ് പിടിയിലായതെന്നാണ് പൊലീസ് റിപ്പോര്‍ട്ട്‌. കൊലയുമായി അധ്യാപകന്റെ കൈവെട്ട് കേസിലെ…

നേതാക്കളുടെ ആക്രമണ ഭീഷണി:  ബിജെപി പ്രവര്‍ത്തക പോലീസില്‍ സംരക്ഷണം തേടി

Posted by - May 4, 2018, 10:12 am IST 0
മരട്: നേതാക്കളുടെ ആക്രമണ ഭീഷണിയെ തുടര്‍ന്ന് ബിജെപി പ്രവര്‍ത്തക പോലീസ് സംരക്ഷണം തേടി. കാശ്മീരിലെ കഠ്വയില്‍ എട്ടുവയസുകാരി ബലാത്സംഗത്തിനിരയായി കൊല്ലപ്പെട്ട സംഭവവുമായി ബന്ധപ്പെട്ട് സോഷ്യല്‍ മീഡിയയില്‍ ഉണ്ടായ…

Leave a comment