പാറ്റ്ന: ബിഹാറില്‍ ആര്‍ജെഡി നേതാവും മുന്‍ ഗ്രാമുഖ്യനുമായ രാംക്രിപാല്‍ മോഹ്തയ്ക്കുനേരെ വധശ്രമം. വെടിവയ്പില്‍ ഗുരുതര പരിക്കേറ്റ രാംക്രിപാലിനെ ആശുപത്രിയില്‍ പ്രവേശിപ്പിച്ചു. മകളെ പരീക്ഷാ സെന്‍ററില്‍ വിട്ടശേഷം തിരികെ വീട്ടിലേക്കു മടങ്ങുമ്ബോഴാണ് ഇദ്ദേഹത്തിനു നേര്‍ക്ക് അജ്ഞാതര്‍ വെടി വച്ചത്.
ബുധനാഴ്ച ബുഗുസാരായി ജില്ലയിലായിരുന്നു സംഭവം. ആറുപേര്‍ ചേര്‍ന്നാണ് ആക്രമിച്ചത്. രണ്ടു തവണ അക്രമികള്‍ രാംക്രിപാലിനു നേര്‍ക്ക് വെടിയുതിര്‍ത്തു. ഗുരുതര പരിക്കേറ്റ രാംക്രിപാലിനെ നാട്ടുകാരാണ് ആശുപത്രിയിലെ ത്തിച്ചത്. ഇദ്ദേഹത്തിന്‍റെ നില ഗുരുതരമാണ്.
സംഭവത്തില്‍ ഇതുവരെ ആരെയും അറസ്റ്റ് ചെയ്തിട്ടില്ല. പോലീസ് കേസെടുത്ത് അന്വേഷണം ആരംഭിച്ചു. മുന്‍ വൈരാഗ്യമാണ് അക്രമത്തിനു കാരണമെന്ന് ബന്ധുക്കള്‍ പറയുന്നു.
