മുംബൈ: നിയമസഭ തെരഞ്ഞെടുപ്പ് അടുത്തതോടെ മുംബൈ കോണ്‍ഗ്രസ് ഘടകത്തിലെ തമ്മിലടി ശക്തമാകുന്നു. മൂന്നോ നാലോ സീറ്റുകളിലൊഴികെ മറ്റെല്ലാ സീറ്റുകളിലും മുംബൈയില്‍ കോണ്‍ഗ്രസ് തോൽക്കുമെന്ന് മുതിര്‍ന്ന കോണ്‍ഗ്രസ് നേതാവ് സഞ്ജയ് നിരുപം പറഞ്ഞു. രാഹുല്‍ ഗാന്ധിയോട് അടുപ്പമുള്ള നേതാക്കളെ പുറത്താക്കാനായി കോണ്‍ഗ്രസില്‍ നീക്കം നടക്കുന്നതായും അദ്ദേഹം ആരോപിച്ചു.
കോണ്‍ഗ്രസിന് വേണ്ടി നിയമസഭ തെരഞ്ഞെടുപ്പില്‍ താൻ പ്രചാരണത്തിനിറങ്ങില്ലെന്ന് സഞ്ജയ് നിരുപം പറഞ്ഞു . ഇനി തെരഞ്ഞെടുപ്പ് ഫലം വരുന്ന ഒക്ടോബര്‍ 24 ന് മാത്രമേ താന്‍ മാധ്യമപ്രവര്‍ത്തകരെ കാണുകയുള്ളുവെന്നും സഞ്ജയ് വ്യക്തമാക്കി. സ്ഥാനാര്‍ഥികളെ പരിഗണിക്കുമ്പോള്‍ താഴേക്കിടയിലെ പ്രവര്‍ത്തകരുടെ അഭിപ്രായത്തിന് കോണ്‍ഗ്രസ് ഒരു പരിഗണനയും നല്‍കുന്നില്ലെന്നും അദ്ദേഹം കുറ്റപ്പെടുത്തി.
