ന്യൂഡൽഹി: കോൺഗ്രസുമായി സഖ്യത്തിന് ഇപ്പോഴും തയാറാണെന്നു വ്യക്തമാക്കി ആം ആദ്മി പാർട്ടി. മോദി-അമിത് ഷാ ടീമിൽനിന്ന് രാജ്യത്തെ രക്ഷിക്കാൻ എന്തും ചെയ്യുമെന്ന് ആം ആദ്മി പാർട്ടി അധ്യക്ഷനും ഡൽഹി മുഖ്യമന്ത്രിയുമായ അരവിന്ദ് കേജരിവാൾ പറഞ്ഞു.
രാജ്യം അപകടത്തിലാണ്. മോദി- അമിത് ഷാ ഭരണം തുടരാതിരിക്കാൻ പാർട്ടി എല്ലാ ശ്രമവും നടത്തുമെന്നും ഞായറാഴ്ച ഡൽഹിയിൽ നടന്ന പ്രതിപക്ഷ പാർട്ടികളുടെ യോഗത്തിന് ശേഷം കേജ്രിവാൾ മാധ്യമങ്ങളോട് പറഞ്ഞു. കോൺഗ്രസ് നേതാക്കളായ കപിൽ സിബൽ, അഭിഷേക് സിംഗ്‌വി തുടങ്ങിയവരുടെ സാന്നിധ്യത്തിലായിരുന്നു കേജരിവാളിന്‍റെ പ്രതികരണം.
അതേസമയം, സഖ്യം സംബന്ധിച്ച ചോദ്യത്തിൽനിന്നും കപിൽ സിബൽ ഒഴിഞ്ഞുമാറി.
