രാഹുല്‍ ഗാന്ധിയുടെ നിലപാടിന് പിന്നാലെ ശബരിമല വിഷയത്തില്‍ കേരളത്തിലെ കോണ്‍ഗ്രസിന് നേരെ വിമര്‍ശനവുമായി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. രാഹുല്‍ഗാന്ധിയാണോ രാഹുല്‍ ഈ ശ്വറാണോ കോണ്‍ഗ്രസിന്റെ നേതാവെന്ന് കേരളത്തിലെ നേതാക്കള്‍ വ്യക്തമാക്കണമെന്ന് കോടിയേരി ആവശ്യപ്പെട്ടു.
രാഹുല്‍ ഗാന്ധിയുടെ ശബരിമല പ്രസ്താവന അംഗീകരിക്കാത്ത കെ.പി.സി.സി പിരിച്ചുവിടണമെന്ന് കോടിയേരി ആവശ്യപ്പെട്ടു. ദേശീയ പ്രസിഡന്‍റ് എന്ന നിലയില്‍ രാഹുല്‍ഗാന്ധി പറഞ്ഞതാണ് കോണ്‍ഗ്രസിന്റെ ഔദ്യോഗിക നിലപാട്. ഇത് അംഗീകരിക്കാത്ത കോണ്‍ഗ്രസ് ഘടകം പ്രസിഡന്‍റിനെ ധിക്കരിക്കുകയാണ്. കോണ്‍ഗ്രസുകാരെ ബി.ജെ.പിയിലേക്ക് അയയ്ക്കാനുള്ള സമരമായി ശബരിമല പ്രക്ഷോഭം മാറിയിരിക്കുന്നെന്നും അദ്ദേഹം ആരോപിച്ചു.
